23.5 C
Pontevedra
Mércores, 22 de Setembro de 2021
Máis
    HomeLouriñaMosOs servizos sociais municipais incrementan nun cento o número de usuarios por...

    Os servizos sociais municipais incrementan nun cento o número de usuarios por mor da crise sanitaria da Covid-19

    Antes de declarase o estado de alarma eran 251 as familias beneficiarias dos diferentes programas do departamento de Benestar Social do Concello de Mos, durante o estado de alarma (de marzo a xuño) ascenderon a 352 e na actualidade son 338

    Mos está a optimizar a atención ao público e o protocolo anti COVID nos servizos sociais municipais co traslado do departamento ao Multiusos que se produciu a semana pasada. Con este cambio de ubicación elimínanse ademais barreiras arquitectónicas e increméntase a comodidade para traballadores/as e usuarios/as nestas dependencias que, debido á crise sanitaria da COVID-19, viron aumentado nun cento o número de usuarios/as que reciben.

    Antes de declarase o estado de alarma eran 251 as familias beneficiarias dos diferentes programas do departamento de Benestar Social do Concello de Mos, durante o estado de alarma (de marzo a xuño) ascenderon a 352 e na actualidade son 338.

    Desglosando estes datos por programas, especificar que o SAF (Servizo de Axuda no Fogar) Dependencia non sufriu variacións, pois o Concello ten asignadas 5.118 horas mensuais sempre activadas, que supoñen sobre 97 usuarios. Por outra banda o SAF Básico antes do estado de alarma contaba con 12 usuarios, durante o estado de alarma incrementouse a 15 usuarios e posteriormente a 18 usuarios. Ademais, a maiores, púxose en marcha o SAF Temporal Extraordinario, activado pola Xunta de Galicia ante a COVID-19, que comezou en abril con 21 usuarios, a 31 de setembro tiña 6 usuarios, e finalizará o vindeiro día 30 de novembro de 2020.

    O programa de Teleasistencia mantívose sen variación con 26 usuarios antes, durante e despois do estado de alarma. O programa Xantar na Casa antes do estado de alarma contaba 5 usuarios, durante o estado de alarma 6 usuarios e na actualidade 6 usuarios.

    As axudas de Emerxencia Social do Concello foron 5 a comezos de 2020, antes de que se producise o estado de alarma, fronte ás 24 durante o estado de alarma e as 15 desde que rematou o mesmo ata a actualidade.

    O programa de alimentos de Mos Axuda contaba antes do estado de alarma con 78 familias beneficiarias, que ascenderon a 105 durante o estado de alarma, e son un total de 99 familias na actualidade.

    En canto á RISGA, Renda de Inclusion Social de Galicia, antes de situación de alarma xestionáronse 4 solicitudes, durante o estado de alarma outras 4 e desde o fin deste 16.

    Respecto das Axudas de Inclusión Social, antes da situación de alarma tramitáronse 3, durante o estado de alarma outras 3 a partires de ahí ata a actualidade 11.

    Desde os servizos sociais do Concello de Mos infórmase de que mateñen o mesmo teléfono de contacto: 986 337 278, ao que os/as usuarios/as deben chamar para concertar cita previa. Actualmente traballan neste departamento municipal un total de 7 persoas: 4 traballadores/as sociais, 2 administrativos/as e 1 psicóloga.

    Por outra banda atópanse os servizos prestados polo CIM, Centro de Información á Muller de Mos, que conserva a mesma ubicación no edificio de Urbanismo, a escasos metros do Concello. O CIM ofrece asesoramento xurídico e psicolóxico, e durante os primeiros meses do ano 2020, antes do estado de alarma, tivo un total de 16 usuarias, fronte ás 27 durante o estado de alarma e ás 20 desde o fin do estado de alarma ata a data de hoxe. Destas 63 usuarias, 5 foron vítimas de violencia de xénero: 4 delas o foron durante o estado de alarma e unha delas desde o fin deste.

    O número de consultas atendidas desde o CIM durante o que vai de ano ascende a 399 consultas (atención psicolóxica e  asesoramento xurídico). Das cales 72 foron atendidas antes do estado de alarma, 157 durante, e 170 despois.

    Neste sentido a alcaldesa de Mos, Nidia Arévalo, destacou hoxe “a enorme implicación da plantilla do departamento municipal de Política Social, así como do CIM, en xeral e desde sempre, pero en especial desde que se desatou a pandemia da COVID-19, momento desde o cal desenvolven un papel fundamental neste Concello, labor ao que se entregan en corpo e alma e polo que lles estamos inmensamente agradecidos, tanto os membros do equipo de goberno local como os cidadáns mosenses”. Así como insistiu en que “é a nosa obriga e responsabilidade desde a administración local apoiar e respaldar ás familias mosenses que máis están a sufrir esta crise económica e sanitaria, polo que continuaremos a multiplicar esforzos para que nunca queden nin se sintan desprotexidas”.

    Fomento do emprego

    Ademais dos programas anteriormente descritos desde o Concello de Mos estase a apostar polo fomento do emprego entre as persoas usuarias da concellería de Política Social mosense, dada a dura crise derivada da pandemia do COVID-19, e para elo destinou varias subvencións de administracións supramunicipais á contratación de persoal para diferentes brigadas municipais.

    Con cargo á liña 3 do Plan Concellos contratáronse a 19 traballadores que desenvolven tarefas de Albanel oficial de 1ª (2 traballadores), Operario de limpeza Viaria (4 traballadores), Operario recolledor de residuos (3 traballadores), Peón/Operario de mantemento de parques e xardíns (4 traballadores), Peón de obras públicas (4 traballadores) e Operario de mantemento de edificios deportivos (2 traballadores). A duración do contrato é de 6 meses a xornada completa.

    Para elo o goberno local decidiu o pasado mes de abril unha reestructuración da Liña 3 do Plan Concellos pasando a destinar o importe íntegro concedido a contratación de persoal. En principio estaba previsto destinar parte á realización dunha obra, sen embargo, e ante a crise do COVID-19, desde o Concello de Mos decidiuse centrar o Plan Concellos na contratación de persoal. Polo tanto, desde o Concello de Mos determinouse desestimar a obra prevista pospoñéndoa, para aprobar a contratación de persoas en situación de desemprego.

    E por outra banda atópase a contratación temporal de persoas en situación ou risco de exclusión social perceptoras da RISGA é subvencionada tamén pola Consellería de Economía, Emprego e Industria e o número de traballadores a contratar é de 5 para os postos de Auxiliar Administrativa (1), Peón de xardineria (1), Peón de obras públicas (1) e Operarios de limpeza (2) que traballan no Concello de Mos durante 9 meses cunha xornada de traballo do 75 %.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS