8.3 C
Pontevedra
Xoves, 28 de Marzo de 2024
Máis
    HomeLouriñaMosO CPI Santa Lucía de Moraña visita Mos

    O CPI Santa Lucía de Moraña visita Mos

    O CEIP Mestre Martínez Alonso recibiu o mércores 31 de maio ao CPI Plurilingüe Santa Lucía de Moraña, dentro do Programa de Innovación educativa da Xunta de Galicia, Observa_Acción.

    Ambos os centros pertencen a un grupo de 36 colexios, institutos e escolas de réxime especial seleccionados de entre os participantes de toda a comunidade galega, para a segunda fase do proxecto que pretende fomentar o desenvolvemento competencial desde a observación e o intercambio entre iguais.

    Durante esta xornada de observación interprofesional, a concelleira de educación, Julia Loureiro e a traballadora municipal da concellería de Educación, Kely Monzón, visitaron o colexio para recibir ás persoas representantes do CPI Santa Lucía, intercambiando opinións sobre o programa e outros eventos de actualidade como a reestruturación pedagóxica de espazos educativos, entre outros. Tamén estiveron representantes dos Centros de Formación e Recursos de Vigo e de Pontevedra, aos cales son adscritos os participantes.

    Nesta fase do programa, Observa_Acción: “Acolle”, o centro educativo morañés foi o escollido pola Xunta para establecer relacións co Mestre Martínez, creando lazos de cooperación e colaboración para recoñecer boas prácticas docentes entre ambos.

    Nunha próxima data, representantes do Castro-Mos, viaxarán a Moraña para unha nova sesión de intercambio de observacións e reflexións conxuntas no Santa Lucía. Nestas sesións créanse accións formativas baseadas na observación e a análise conxunta da realidade docente e discente. Segundo establece a Xunta: “o intercambio permite experimentar novas vías de formación do profesorado e favorecer a innovación educativa nos centros, á vez que se facilita aos docentes a posibilidade de observar de forma directa metodoloxías nos procesos de ensino-aprendizaxe, maneiras de relación e comunicación ou vías de xestión dos recursos propios e alleos que desenvolven outros centros”. Nas seguintes fases do programa, prevese que os centros participantes que superen esta segunda, intercambien este tipo de prácticas con centros doutras comunidades autonómicas e mesmo outros países europeos. As representantes de ambos os centros educativos han manifestado o carácter pedagóxico e de crecemento persoal que lles ofrece o programa Observa_Acción e xa planean accións conxuntas que acrecenten o camiño iniciado no intercambio de boas prácticas.

    Un camiño de Moraña a Mos, de Mos a Moraña, que ofrece pasos de cooperación e mellora para as comunidades educativas de ambos os concellos.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.