8.3 C
Pontevedra
Xoves, 28 de Marzo de 2024
Máis
    HomeLouriñaMosMos remata as obras de seguridade viaria en Torroso e Tameiga

    Mos remata as obras de seguridade viaria en Torroso e Tameiga

    A alcaldesa mosense, Nidia Arévalo, e o tenente alcalde e concelleiro de Vías e Obras, Camilo Augusto, informaron de que o Concello de Mos xa finalizou a acometida das obras de “Mellora da seguridade vial no Camiño do Cocho-parroquia de Tameiga e Camiño do Monte-parroquia de Torroso”.

    Trátase dunha mellora íntegramente financiada con fondos propios municipais cuxo orzamento ascende a preto de 40.000 euros. 33.917,26 euros, para ser exactos.

    O Concello de Mos ten como obxectivo que o viario municipal se atope nas mellores condicións de uso, o que supón un garante na seguridade viaria. Para o que desenvolve un Plan Anual Municipal de Asfaltados.

    Dentro deste Plan Local de Mellora da Seguridade Viaria para o ano 2023 contémplase seguir a manter e optimizar o viario municipal, que se emprega como enlace para acceder ás infraestruturas viarias, xa sexa do Estado, autonómicas ou provinciais.

    Grazas á pavimentación nos Camiños do Monte e do Cocho, mellorouse sensiblemente o firme e con el a seguridade viaria de condutores e peóns.

    En total optimizáronse preto de 600 metros de viais municipais entre os dous camiños. Exactamente 583,50 metros: 311,50 metros do Camiño do Monte e 272 metros do Camiño do Cocho.

    A realización da mellora da pavimentación dos camiños municipais supuxo a mellora da seguridade viaria nos mesmos. Incluiu actuacións previas como desbroce lateral, e limpeza de cunetas. A rehabilitación de firmes e pavimentos fíxose acorde coa Instrucción de Estradas do Ministerio de Fomento mediante a regularización da capa de rodadura coa aplicación de 1 cm de asfalto, recrecido, consistente na extensión dunha capa de rodadura de mestura bituminosa en quente, tipo formigón bituminoso de 5 cm de espesor, estendida e compactada. Previa a extensión de dita capa, realizouse unha limpeza e barrido da superficie, para a posterior aplicación do rego de adherencia con emulsión asfáltica.

    Como obras adicionais necesarias e imprescindibles para que a obra quedara perfectamente rematada, e garantir totalmente a seguridade viaria, acometeuse o recrecido das tapas das arquetas e dos pozos e o arranxo das beiravías.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.