14.7 C
Pontevedra
Mércores, 5 de Outubro de 2022
Máis
    HomeLouriñaMosMos presenta percorrido, programación e maillot conmemorativo da etapa mosense de La...

    Mos presenta percorrido, programación e maillot conmemorativo da etapa mosense de La Vuelta 21

    A presentación celebrouse onte na Cidade Deportiva Afouteza do RC Celta coa presencia do presidente do Club, Carlos Mouriño, do director de La Vuelta, Javier Guillén; así como de Óscar Pereiro, o Vicepresidente Primeiro da Xunta, Alfonso Rueda e Telmo Martín, alcalde de Sanxenxo, localidade de saída da etapa 20 con meta en Mos

    Mos acolleu onte a presentación da ETAPA 20: MOS-CASTRO DE HERVILLE, CELA, de La Vuelta Ciclista a España 2021. O acto tivo como esceario a Cidade Deportiva Afouteza do RC Celta e foi retransmitido en directo desde a páxina oficial de Facebook do Concello de Mos.

    Á devandita presentación asistiron o director de La Vuelta, Javier Guillén, e o ciclista mosense, único galego gañador dun Tour de Francia e Embaixador de La Vuelta, Óscar Pereiro, a alcaldesa de Mos, Nidia Arévalo, o Presidente do RC Celta, Carlos Mouriño, o vicepresidente Primeiro da Xunta de Galicia e conselleiro de Presidencia, Xustiza e Turismo, Alfonso Rueda, a directora da Axencia Turismo de Galicia, Nava Castro, a delegada Territorial da Xunta de Galicia en Vigo, Marta Fernández-Tapias, representantes de la Mesa de La Vuelta 21 do Concello de Mos, membros do tecido asociativo do Concello de Mos, concelleiros/as integrantes do equipo de goberno local, o alcalde de Sanxenxo, Telmo Martín, e outros membros da Corporación Municipal, entre outras autoridades.

    Tratouse dun evento enfocado a detallar o percorrido mosense da etapa 20 de La Vuelta 21, que inclúe a meta no Castro de Herville, parroquia de Cela. Etapa que será a penúltima da competición ciclista e da que moi probablemente sairá o campión. Dito percorrido transcorrerá por 7 parroquias mosenses: Louredo, Mos, Torroso, Petelos, Sanguiñeda, Pereiras e Cela; pasando por lugares emblemáticos do Concello como son a Igrexa de San Salvador de Louredo, o Pazo de Mos, o Centro Dotacional de Torroso, o Multiusos das Pozas, o Pavillón Óscar Pereiro, a Capela das Angustias, o Cristo de Belén, Campo de Eiró, a Asociación de Veciños Nosa Terra de Pereiras, a Igrexa de San Miguel de Pereiras, a Igrexa de San Pedro de Cela, o Alto de San Cosme e, por último, o Castro de Herville.

    Herville será meta de La Vuelta 21 o vindeiro 4 de setembro tras ter sido o Pazo de Mos saída de etapa o ano pasado, algo que non é mera casualidade senón que “é froito do amor e a aposta decidida de Óscar Pereiro polo seu pobo, ao que quixo ter en conta ao deseñar unha das etapas máis espectaculares deste ano. E froito tamén da confianza depositada por Javier Guillén en Galicia en xeral, como zona histórica e recurrente de paso de La Vuelta; e en Mos en particular, aceptando a proposta de Óscar tras ter formado xa parte da competición en 2020 o noso municipio” declarou a rexedora local mosense, Nidia Arévalo.

    Ademais de detallar o percorrido, presentáronse tamén as actividades que se desenvolverán durante os vindeiros meses con motivo da etapa 20 en Mos que serán, entre outras, a V Challenge Rías Baixas (8 e 9 de maio) a Copa España de Carretera organizada polo Club Ciclista Rías Baixas (16 de maio), encontro con Discamino e ‘Pedalea con Discamino’, un mural colaborativo e un concurso de mascarilla conmemorativa para implicar ao alumnado do IES, o evento ‘Mos sobre rodas’, un Campionato de Fútbol 7, unha carreira con ex ciclistas, un día con Induráin e un concerto na Cidade Deportiva Afouteza do R.C. Celta.

    Por último, tras o éxito do da edición 2020, presentouse tamén o maillot conmemorativo da etapa mosense de La Vuelta 21.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS