8.5 C
Pontevedra
Venres, 29 de Marzo de 2024
Máis
    HomeLouriñaMosMos organiza unha excursión ao parque acuático de Amarante

    Mos organiza unha excursión ao parque acuático de Amarante

    O Concello de Mos pon en marcha un ano máis a tradicional “excursión ao parque acuático Amarante” dirixida ás familias e poboación en xeral, tendo preferencia as empadroadas en Mos.

    Os menores de idade deberán ir acompañados polos seus pais/nais/titores.

    O prazo de inscrición está aberto desde hoxe ata o 29 de agosto por rigurosa orde de entrada.

    A listaxe de admitidos será publicado o 30 de agosto na páxina web do concello e na OMIX. Unha vez admitidos o pago será efectuado os días 30 e 31 de agosto, no número de conta que figurará na lista de admitidos

    A entrada para os menores de 4 anos é de balde; nenos de 5 a 11 anos e maiores de 65 anos pagarán 20 €, o prezo para o resto de poboación, de 12 e 65 anos é de 30 €.

    Disporase de prazas ata ocupar un autobús compreto, e serán por rigorosa orde de entrada polo rexistro.

     De non cubrirse un mínimo de 45 prazas non se levará a cabo a actividade.

     Esta viaxe non inclúe almorzo, pódese levar da casa ou adquirilo nos espazos dispoñibles no interior do parque acuático.

    Deberán ir provistos do DNI todos/as os/as participantes.

    Dende a dirección do parque acuático avísase que non se pode acceder ó parque con bebidas en botes de vidro, coitelos e cubertos de metal, accesorios de praia (parasois, colchóns, balóns, cadeiras…). O parque conta con zoas de sombra e servizo de tumbonas e parasois por 2,90 €.

    PROGRAMACIÓN:

    • 09:30: Saída do Multiusos das Pozas de Petelos con dirección ao parque acuático de Amarante
    • 11:30: Chegada aproximada ao parque acuático
    • 19:00: Recollida do grupo para o regreso
    • 19:30: Viaxe de volta Amarante-Mos
    • 21:00: Chegada aproximada ao concello

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.