10.2 C
Pontevedra
Venres, 29 de Marzo de 2024
Máis
    HomeLouriñaMosMos implicará a miles de mulleres na programación para conmemorar o 8M

    Mos implicará a miles de mulleres na programación para conmemorar o 8M

    As interesadas en participar na viaxe gratuíta a Cíes deben inscribirse antes do 8 de marzo

    Onte pola tarde presentouse, no auditorio do Centro Dotacional do Medio Rural de Torroso, a programación que o Concello de Mos organiza para conmemorar o 8 de marzo, Día Internacional da Muller, e na que desde a administración local mosense prevese que participen máis de 1.000 mulleres.

    Na presentación estiveron presentes a alcaldesa de Mos, Nidia Arévalo, a concelleira de Política Social e Igualdade, Sara Cebreiro, e integrantes dos colectivos femininos mosenses: as Palilleiras de Mos, a Asociación de Mulleres Rurais, e o Grupo de Teatro Mulleres en Igualdade.

    A programación do 8M en Mos comezará o 1 de marzo coa MESA REDONDA: REFORMA DOS DELITOS CONTRA A LIBERDADE SEXUAL coa colaboración das Mulleres en Igualdade de Vigo e a participación da Xuíza do Xulgado Penal nº4 de Pontevedra, especialista en violencia de xénero, Belén Rubido de la Torre. Celebrarase no Pazo de Mos ás 18:00 h.

    O día 4 de marzo, ANDAINA POLA MULLER organizada polas Mulleres Rurais Val da Louriña. Terá lugar polo Paseo do Louro con saída desde o Pazo de Mos ás 10:00 h.

    O propio 8M farase unha HOMENAXE ÁS MULLERES EMPRENDEDORAS no Pazo de Mos ás 19:00 h.

    O 11 de marzo celebrarase a  CEA – BAILE DE MULLERES no Pavillón Óscar Pereiro ás 21.30 cun prezo de 30 €.

    O día 12 o Pavillón Óscar Pereiro acollerá o FESTIVAL DE PATINAXE POLA IGUALDADE no que participarán as Escolas de Patinaxe de Mos, o Club Rosaleira, o Club Xiramos. Dará comezo ás 18:00 h.

    O 18 de marzo impartirase un SEMINARIO DE AUTOPROTECCION FEMININA – WOMAN DEFENSE no Pavillón Patricia Martínez en horarios de mañá (de 9 a 14h) e de tarde (de 16 a 21h).

    O día 29 de abril realizarase unha VIAXE A CIES PARA MULLERES con saída desde o Multiusos das Pozas ás 9:30h e hora aproximada de chegada a Mos ás 19:00h. A actividade será de balde para todas as participantes ata dispoñibilidade de cupo na Illa. Por este motivo cómpre que as interesadas se incriban canto antes, atopándose xa o prazo aberto, que finalizará o propio día 8 de marzo. As interesadas en obter máis información de todas as actividades poden dirixirse ás Oficinas do Multiusos das Pozas ou chamar ao teléfono 986 33 94 04. As inscricións deberán formalizarse no rexistro do Concello.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.