10.4 C
Pontevedra
Xoves, 28 de Marzo de 2024
Máis
    HomeLouriñaMosMos deseña a súa folla de ruta para a actividade municipal a...

    Mos deseña a súa folla de ruta para a actividade municipal a partir de setembro

    Estará baseada no rigoroso cumprimento dos protocolos de seguridade sanitarios e iranse anunciando próximamente as medidas concretas a adoitar en cada ámbito e/ou colectivo

    A alcaldesa de Mos, Nidia Arévalo, e o seu equipo de concelleiros e concelleiras de goberno celebraron esta mañá no salón de actos da Axencia de Colocación a Xunta de Goberno Local na que o tema principal da orde do día foi a planificación da actividade municipal a partir de setembro. Na reunión estivo presente a técnico de Persoal, Recursos Humanos e Prevención de Riscos Laborais, Tatiana Iglesias, (que ademais exerce estes días como Secretaria accidental municipal), para dar asesoramento técnico á hora de deseñar esta nova folla de ruta adaptada ás circunstancias da nova realidade derivada da COVID-19.

    A folla de ruta de planificación e organización da actividade municipal incluirá todos os diferentes ámbitos da mesma, desde o persoal do Concello, ata as dependencias municipais tanto de administración como sociais, instalacións culturais e deportivas… etc.; a planificación de posibles actos, a coordinación coas asociacións mosenses, a organización de cursos, obradoiros… e un logo etcétera de iniciativas municipais que se viron interrompidas e/ou limitadas durante os últimos meses e que agora se estuda como, cando e con que condicións reanudalas.

    Desde xeito a rexedora local mosense anunciou a este respecto que “se irá informando puntual e progresivamente á veciñanza mosense de todas e cada unha das medidas e decisións adoitadas en cada un dos ámbitos da vida municipal, para que todos os colectivos interesados estean perfectamente ao tanto de cada asunto en concreto”.

    “Se ben, primaremos sempre a seguridade e a saúde da cidadanía sendo moi cautos, prudentes e escrupulosos no cumprimento dos protocolos sanitarios, das medidas, recomendacións e normas establecidas neste senso”, sentenciou Arévalo.

    A partires do día 1 de setembro celebraranse reunións con cada colectivo: culturais, deportivos, ANPAs… etc.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.