7.6 C
Pontevedra
Venres, 29 de Marzo de 2024
Máis
    HomeLouriñaMosMos descubre os segredos medioambientais dos contos clásicos na primeira presentación do...

    Mos descubre os segredos medioambientais dos contos clásicos na primeira presentación do ciclo ‘Mos coa Lectura’

    A autora que abriu o ciclo onte pola tarde na Biblioteca Municipal foi a mosense da parroquia de Petelos, Miriam C. Leirós

    Onte pola tarde comezou o ciclo de presentación de libros de autores mosenses, ‘Mos coa Lectura’, presentando unha obra infantil cunha importante mensaxe de concienciación medioambiental enfocada desde a perspectiva do humor, autoría da veciña da parroquia de Petelos, concretamente do barrio da Porteliña, Miriam Campos Leirós.

    E o fixo precisamente na Porteliña, onde se atopa ubicada a Biblioteca Municipal, xa que alí tivo lugar a presentación de ‘Los secretos de los cuentos clásicos (Archivos desclasificados)’ con ilustracións de Paloma Corral.

    No acto Miriam C. Leirós estivo acompañada por Nidia Arévalo, alcaldesa de Mos, e Sara Cebreiro, concelleira de Participación Cidadá e Cultura e Turismo; así como polos edís de Educación e Deportes, Julia Loureiro e José Areal.

    Sobre a autora

    Miriam é mestra de primaria desde fai mais de 20 anos. Desde 2014 impulsa proxectos de sostenibilidade desde a educación reglada.

    Ademais escribe como colaboradora no magazine dixital “El Asombrario” na sección de educación ambiental. E na actualidade exerce como coordinadora nacional do colectivo Teachers For FUTURE Spain que integra a máis de 2000 docentes.

    “Un perfil o de Miriam C. Leirós moi vencellado á docencia e á infancia, o que a define como unha escritora con gran potencial para a literatura infantil, como así demostra en ‘Los secretos de los cuentos clásicos’”, declaraba sobre ela a rexedora local mosense, Nidia Arévalo, ao realizar a presentación da autora.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.