18.5 C
Pontevedra
Venres, 19 de Abril de 2024
Máis
    HomeLouriñaMosMedallas de ouro e prata para dous nadadores do Club Natación Mos...

    Medallas de ouro e prata para dous nadadores do Club Natación Mos e bronce por equipos no Galego de Fondo Máster

    Roi Rodríguez resultou campión galego, con récord galego máster na categoría de + de 25 anos, Adrián Trillo foi subcampión na mesma categoría e Alberto Trincado alcanzou o 4° posto na categoría de + de 50 anos

    O Club Natación Mos, a pesar de acudir con só tres nadadores, alzouse co terceiro posto no Campionato Galego de Fondo Máster XII memorial Gerardo Steudel.

    O Campionato Galego de fondo Máster XII memorial Gerardo Steudel disputouse en Carballo este pasado domingo, 25 de abril, con probas de 800 e 1500 metros libre.

    Participaron 17 clubes e o Club Natación Mos acudiu con tres nadadores que participaron na proba de 800 metros libre. Foron Roi Rodríguez López, que resultou campión galego, con récord galego máster na categoría de 20 a 29 anos e premio á mellor puntuación Fina, recibindo así o Trofeo Gerardo Steudel. Adrián Trillo Rodríguez, que resultou subcampión na categoría de + de 25 anos. E Alberto Trincado Fernández, que alcanzou un meritorio 4° posto na categoría de + de 50 anos.

    No cómputo final por clubes, o Club Natación Mos quedou 3° en categoría masculina a un só punto do subcampión a pesar de acudir con só tres nadadores.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.