7.1 C
Pontevedra
Luns, 30 de Xaneiro de 2023
Máis
    HomeLouriñaMosIniciadas as obras de cubrición da zona de comunicación no Campo de...

    Iniciadas as obras de cubrición da zona de comunicación no Campo de Fútbol de Cototorrón

    A alcaldesa visitou os traballos o venres pola tarde acompañada do presidente do Club Louro Tameiga

    A alcaldesa de Mos, Nidia Arévalo, o tenente alcalde e concelleiro de Vías e Obras, Camilo Augusto, e a edil mosense de Deportes, Begoña Toucedo, visitaron o venres pola tarde o Campo de Fútbol de Cototorrón, acompañados polo presidente do Club Louro Tameiga, Patricio Farrapeira, con motivo do inicio das obras con cargo ao Plan Concellos 2020 polas que se está a acometer un proxecto de cerramento, aproveitamento, e cubrición da zona común de Cototorrón.

    Con estes traballos de cubrición da zona de comunicación entre as diferentes infraestruturas do campo preténdese seguir mellorando as instalacións, coa construcción dunha cuberta metálica que comunique o ximnasio, as oficinas, os aseos e o acceso ao campo para o público.

    As obras no complexo deportivo do Clube Deportivo Louro consisten en cubrir un espazo de zona de descanso e comunicación, mediante unha estrutura metálica acabada con panel nervado. En concreto, a construción dunha cuberta entre a edificación de oficinas, bar, aseo e a cuberta que cubre o acceso ao campo mediante unha estrutura metálica.

    Realízase previamente unha cimentación de 8 zapatas de formigón armado para soporte de 8 piares metálicos cadrados tubo ocos de 100.100.5 mm e estrutura de aceiro galvanizado de vigas perfil cadrado tubo oco 200.100.5 mm e correas tubo 100.50.4 mm totalmente soldada e pintada.

    Por último realizarase a cuberta mediante panel nervado formado por dúas chapas lacadas, sendo a cara exterior de cor verde e a interior branca, ambas unidas por illante térmico de poliuretano de espesor 30 mm. O panel instalarase sobre estrutura previamente colocada con todos os medios de fixación necesarios.

    Asúmese dende un punto de vista estrutural e construtivo así como dende o punto normativo en canto ás esixencias de seguridade estrutural, de incendio, utilización, accesibilidade, salubridade, aforro de enerxía, ruído con carácter xeral e en relación á integración da edificación no marco urbanístico de actuación establecido na Lei de Ordenación Urbanística de Galicia (LOUGA) e no Plan Xeral de Ordenación Municipal de Mos (PXOM).

    O acceso á edificación proposta, realizarase a traves da marquesina que protexe o o acceso dende o espazo exterior, entrada ao conxunto formado polas edificacións anexas existentes polo vento noroeste da parcela.

    O prazo de execución destes traballos estímase nun prazo aproximado para execución das obras de 4 semanas. O proxecto finánciase con cargo ao Plan Concellos 2020 Liña 1 “Obras en instalaciones deportivas muncipais”.

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS