13.5 C
Pontevedra
Xoves, 2 de Febreiro de 2023
Máis
    HomeLouriñaMosEspectacular pregón do Día da Rosa de Mos protagonizado polo himno municipal

    Espectacular pregón do Día da Rosa de Mos protagonizado polo himno municipal

    Onte voltou o Día da Rosa con máis forza que nunca, incluso con maior participación de ramos que en edicións anteriores á pandemia. Fíxoo ademáis co solemne acto de presentación da letra do Himno Municipal, Alborada Camiño da Rosa, composta por Xulio Lorenzo. A devandita letra é autoría de Antonio Barros e Ialma, gañadores do concurso para escribila.

    Tamén tiveron o seu lugar e recoñecemento polo gran traballo realizado os outros 5 concursantes: Roi García Lorenzo, Rubén Campo Gil, Gonzalo Otero Lago, José Rodríguez Conde e Albino Rodríguez Cambeiro.

    A xornada comezou ás 11h da mañá con Misa Solemne cantada pola Coral Ventos do Val e con saída da cerimonia amenizada musicalmente polo grupo de gaitas Ruada de Torroso.

    A continuación, deu paso ao pregón a cargo dos gañadores do concurso da letra do himno, o Secreterio Xeral de Política Lingüística, Valentín García Gómez. Tamén estiverpon presentes outras autoridades autonómicas como a Delegada Territorial da Xunta en Vigo, Marta Fernández-Tapias e o Conselleiro de Cultura, Educación, Formación Profesional e Universidades, Román Rodríguez, que pechou o acto.

    Tras o pregón chegou a entrega de premios dos dous clásicos concursos do Día da Rosa: de rosas e de empanadas de pan de millo.

    Premios concursos de rosas por parroquias

    • Mellores rosas de Sanguiñeda: Nº 4 Mercedes Cabaleiro.
    • Mellores rosas de Tameiga: Nº 1 Genaro Rodríguez.
    • Mellores rosas de Dornelas: Nª 12 Dorita Leirós.
    • Mellores rosas de Torroso: Nº 16 María Romero.
    • Mellores rosas de Mos: Nº 5 Marcos Pazos e Emma Verguela.
    • Mellores rosas de Petelos: Nº 23 Rosana Campos.
    • Mellores rosas de Guizán: Nº 6 Sita.
    • Mellores rosas de Cela: Nº 4 Evaristo Ucha.
    • Mellores rosas de Pereiras: Nº 6 Abel Alonso.
    • Mellores rosas de Louredo: Nª 8 Delfina Rodríguez.
    • Mellores rosas de todo o Concello de Mos: Os nenos da parroquia de Mos Marcos Pazos e Emma Verguela.

    Parroquia con maior participación: Sanguiñeda con 33 ramos participantes.

    Premios concursos de empanada de pan de millo

    • Mellor presentación: Nº 8 Rosa Durán.
    • Maior tamaño: Nº 13 Aitana Das Dores.
    • Mellor sabor: Nº 16 María del Carmen Domínguez.

    A alcaldesa de Mos, Nidia Arévalo, destacaba onte na súa intervención que “Celebramos a Festa da Rosa máis especial dos últimos anos, co calor humano da veciñanza, presentando a letra do noso himno e con máis rosas e máis fermosas que nunca. Voltamos a poder celebrar e compartir xuntos, tras dúas edicións marcadas polas restriccións sanitarias. Voltamos cunha Festa da Rosa renovada e mellorada. Este ano o calor humán voltou por fin á Festa da Rosa, o calor dos veciños e veciñas, algo que me emociona enormemente. Tamén é unha Rosa moi especial porque presentamos oficialmente a letra do noso himno: a Alborada Camiño da Rosa composta por Xulio Lorenzo. Felicitar e agradecer a todos os participantes as súas fantásticas propostas. Nesta Festa da Rosa 2022, sinto máis que nunca o orgullo como alcaldesa, pero sobre todo como mosense, de formar parte deste gran pobo que é Mos”. Tivo tamén a rexedora local unhas palabras de especial agradecemento e noraboa pola organización da festa para a concelleira de Cultura e Turismo, Sara Cebreiro.

    Tocando o final da mañá a Banda de Música Xuvenil de Torroso deu o seu tradicional concerto do Día da Rosa.

    O acto rematou con todo o público presente cantando o himno, previo reparto dun folleto coa letra, xunto cos autores da letra, Antonio Barros e Ialma, e tocando o compositor do himno municipal Alborada Camiño da Rosa, Xulio Lorenzo, a Banda de Música Xuvenil de Torroso e a Banda de Gaitas Ruada de Torroso.

    Os presentadores do acto e Mestres de cerimonia foron Alejandro Pérez e Cristina Maró.

    A guinda gastronómica da mañá púxoa a exaltación e degustación de empanada de pan de millo a cargo da Asociación de Mulleres Rurais Val da Louriña, a Asociación BaRes Mos e os panadeiros de Mos.

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS