16.2 C
Pontevedra
Luns, 16 de Maio de 2022
Máis
    HomeLouriñaMosAlumnado do Colexio Castro-Mos demostra no Pleno a súa implicación coa igualdade...

    Alumnado do Colexio Castro-Mos demostra no Pleno a súa implicación coa igualdade cun manifesto polo 8M

    Volcados e totalmente concienciados co obxectivo da igualdade real entre homes e mulleres, leron unha declaración redactada por escolares de 6º curso de Primaria

    O Pleno Ordinario do mes de febreiro do Concello de Mos comezaba onte cunha declaración institucional conxunta de toda a Corporación Municipal de repulsa á invasión de Ucrania por parte de Rusia, lida pola alcaldesa de Mos, Nidia Arévalo; seguida dun minuto de silencio polas vítimas. E a continuación, unha declaración do alumnado do CEIP Mestre Martínez Alonso de Castro-Mos, redactada por escolares de 6º curso de Primaria, con motivo do 8 de Marzo, Día Internacional Da Muller, que se conmemorará nuns días.

    Achegáronse ata a sesión plenaria no Pazo de Mos, para ler a declaración en representación de todos os seus compañeiros e compañeiras, os alumnos Mara e Sergio, acompañados da súa profesora, Alba Alonso.

    No seu manifesto fixeron toda unha declaración de intencións e expresaron o compromiso firme de querer “traballar por un mundo máis igualitario, xusto, e cheo de diversidade”, polo que desde a administración local mosense a rexedora local, Nidia Arévalo, e a concelleira de Política Social e Igualdade, Sara Cebreiro, destacaron os grandes valores da cativada mosense e a súa implicación coa igualdade real polo que, dixeron “o futuro de Mos está en boas mans e goberno e Corporación sentímonos enormemente orgullosos delo”.

    A declaración dos escolares deixou totalmente claro que o rexeitamento da violencia de xénero, os estereotipos de xénero, o bullying de xénero, o machismo, ou a fenda dixital de xénero en materia STEM debe facerse e aprenderse desde os primeiros anos da vida.

    Nela instaron ao abandoo total e definitivo da educación binaria e diferente para nenos e nenas. Ao traballo duro para romper con ela. E marcaron uns obxectivos e necesidades moi claras para acadar o fin último da educación igualitaria real: “que o profesorado estea formado en materia de diversidade sexual e de xénero, de estereotipos, de bullying, e mesmo de tecnoloxías coas súas vantaxes e riscos. Que se impartan obradoiros nos cales poder entender que non vivimos en caixas rosas ou azuis senón que existe unha paleta de cores, e cada quen ten dereito a ser e expresarse sen prexuízo algún. Que se eduque ás familias sobre que non hai xoguetes de nenos ou de nenas, porque con detalles así, xa dende peques, están a dicirnos que os nosos gustos, afeccións ou futuras opcións profesionais dependen unicamente de que sexamos nenos ou nenas. Que a coeducación e a igualdade sexan impartidas todos os días do ano e en todas as asignaturas. E que estas temáticas non sexan … unicamente na escola, senón na casa, no clube de fútbol, na panadería, na feira do barrio… Máis coeducación sobre as “xa non tan novas tecnoloxías” para poder converternos nunha cidadanía dixital responsable, ética e creativa”.

    En definitiva, estes rapaces exemplares demostraron esta mañá no Pazo de Mos que queren ser a xeración que rompa coa lacra da violencia de xénero e consiga un mundo onde ser muller non estea infravalorado.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS