7.9 C
Pontevedra
Venres, 29 de Marzo de 2024
Máis
    HomeLouriñaMosA semana que vén iniciarase a instalación do saneamento no Camiño da...

    A semana que vén iniciarase a instalación do saneamento no Camiño da Coutada en Mos

    A alcaldesa mosense, Nidia Arévalo, e o tenente alcalde e concelleiro de Vías e Obras, Camilo Augusto, informaron de que o Concello de Mos xa ten contratada e adxudicada a acometida das obras de “Saneamento no Camiño da Coutada-parroquia de Louredo”.

    Trátase dunha obra financiada con fondos propios municipais cuxo orzamento ascende a un total de 109.968,55 euros.

    Os representantes municipais Arévalo e Augusto anunciaron, así mesmo, que as obras necesarias para realizar o “saneamento no Camiño da Coutada-parroquia de Louredo”, indicadas para completar as redes de alcantarillado, iniciaranse a vindeira semana e permitirán que dita acometida de saneamento dea servizo á maxima extensión do Concello en xeral e da parroquia de Louredo en particular.

    As obras consisten na canalización das diferentes tuberías de PVC destinadas á rede de saneamento incluíndo todas as operacións complementarias: excavacións, pozos, reposicións….

    O obxecto do presente proxecto consiste na ampliación e mellora da rede de saneamento na parroquia de Louredo, co fin de chegar a todos aqueles lugares e vivendas do concello de Mos, que aínda carecen deste servizo. Levarase a cabo a execución de 807,04 metros lineais de saneamento no camiño da Coutada.

    Entre as actuacións previa á obra proxéctase o corte e demolición de pavimento en todos os ramais, onde está previsto repor o firme na zona de apertura de zanxa. Procederase á excavación da zanxa e posterior recheo e compactación da mesma. Para a rede de saneamento instalarase un colector de PVC de Ø315 para dotar de saneamento ás vivendas situadas nos marxes das zonas obxecto dos traballos e que actualmente carecen del.

    As obras permiten que o trazado do colector discurra por terreos de titularidade pública ou particulares co conseguinte permiso de paso.

    O prazo de execución que se estima para a execucións das obra é de tres meses, incluíndo o estudo e preparación das mesmas. Dito prazo comezará a contar a partir do día seguinte ao da sinatura da Acta de Comprobación do Replanteo, entre a dirección de obra e a empresa contratista da mesma.

    Pavimentación

    Tras os traballos de acometida da instalación da nova rede de saneamento en Louredo procederase á reposición da zanxa con 20 cm de zahorra e 5 cm de mezcla bituminosa en quente.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.