10.4 C
Pontevedra
Xoves, 28 de Marzo de 2024
Máis
    HomeLouriñaMosA mosense Noelia Sías, quinta clasificada no concurso ‘Mellor Artesán Florista’

    A mosense Noelia Sías, quinta clasificada no concurso ‘Mellor Artesán Florista’

    A cidade de Toledo acolleu a sétima edición do concurso ‘Mellor Artesán Florista’, no que competiron 24 profesionais do sector chegados de toda España. Na final, á que chegaron os cinco mellores participantes, resultou gañadora outra galega Patricia Aguín Carballa (Portonovo), segunda Mónica Vilanova (Barcelona), terceiro Andrés Ayllón (Madrid), cuarto Manuel Fernandez (Badaxoz) e quinta a florista galega, Noelia Sías Villaverde (Mos).

    O concurso prolongouse durante catro días e os aspirantes tiveron que preparar dez traballos sorpresa diferentes. Nin os concursantes nin o xurado sabían en que ía consistir cada unha das probas, nas que se avaliaban aspectos como a técnica, a limpeza, a rapidez, a cor, a actitude dos floristas ou o compañeirismo. Unha das probas era en grupo, outra era de substitucións e as demais individuais, os participantes tiñan un tempo máximo especificado para completar cada unha delas. O xurado debía valorar o estilo actual dos mesmos e a dificultade da elaboración.

    Na última xornada do concurso, os cinco finalistas tiveron que elaborar unha decoración floral efémera nunha escultura tipo escudo medieval para unha exposición alegórica á historia de Toledo. A proba desenvolveuse durante a celebración da cea de gala, á que asistiron o resto de concursantes, organizadores, provedores, prensa e profesionais do sector de toda España e mesmo estranxeiros.

    Finalistas do concurso

    Noelia Sías

    Esta foi a terceira dedición á que se presentou a mosense Noelia Sías, nas dous anteriores conseguiu o segundo posto e este ano volve facer pódium co quinto posto. Leva máis de vinte anos vinculada ao mundo da flor e traballa actualmente na Florería Lola de Mos.

    Recibiu formación nalgunhas das mellores escolas do sector que hai en España, onde tivo a oportunidade de coñecer, de primeira man, as últimas técnicas e tendencias en arte floral. Entre os seus mestres figuran nomes tan destacados a nivel nacional como os de Juan Chamorro, Roberto Silbosa, Daniel Santamaria ou María Jesús Miranda e tamén algúns referentes internacionais como Gregor Lersch, Per Benjamin ou Vadim Kazansky.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.