O Centro Dotacional de Torroso – Mos (Pontevedra), acollerá, o vindeiro domingo, 30 de abril ás 17.00 horas, o XIV Concerto de Corais O Son dos Cantares.
Ademais da anfitriona coral mosense, O Son dos Cantares, actuarán: a Coral Polifónica de Salcedo (Pontevedra), Coral Polifónica Voces de Sta. Eulalia de Dena (Meaño), Coro Ecos do Castelo (Nigrán-Pontevedra) e a Coral Polifónica de Illa de Arousa (Pontevedra)
A entrada será libre e de balde ata completar o aforo. O concerto será unha gran oportunidade para todos amantes do canto coral, que poderán gozar dunha agradable tarde amenizada musicalmente por grandes agrupacións corais galegas.
