4.5 C
Pontevedra
Domingo, 28 de Novembro de 2021
Máis
    HomeBaixo MiñoTuiO II Ciclo de conferencias 'Aida Fernández Ríos' chega aos centros escolares...

    O II Ciclo de conferencias ‘Aida Fernández Ríos’ chega aos centros escolares de Tui

    O programa da Deputación e da Real Academia Galega das Ciencias impulsa charlas do 29 de novembro ata o 20 de decembro en centros de Tui, Bueu, O Grove e Silleda

    O II Ciclo de conferencias “Aida Fernández Ríos”, impulsado pola Deputación de Pontevedra e a Real Academia Galega de Ciencias, chega a próxima semana aos centros escolares da provincia con cinco charlas adaptadas ao público mozo. Deste xeito, arranca o segundo bloque do ciclo que espallará a ciencia entre o alumnado de 4º da ESO e bacharelato de centros de Tui, Bueu (2), O Grove e Silleda da man de cinco mulleres referentes en distintos eidos científicos.

    As charlas comezarán o luns 29 de novembro no IES Indalecio Pérez Tizón (Tui) cunha conferencia titulada “Bacterias comeplásticos” a cargo de Sabela Balboa, investigadora distinguida no Centro Singular de Investigación en Tecnoloxías Ambientais da USC. Nela falarase de como buscar certas bacterias que son capaces de degradar os plásticos e poder eliminalos así do medio ambiente. A semana seguinte, o xoves 9 de decembro, Amparo Alonso Betanzos, catedrática de Computación e Intelixencia Artificial da UDC, achegarase ao IES Illa de Ons (Bueu) para deixarlle claro á mocidade que “A intelixencia artificial non é ciencia ficción” senón que está presente en case todos os campos, dende a educación ata o emprego, e incluso está a mudar a forma na que as persoas nos relacionamos.

    O venres 10 de decembro o IES Monte da Vila (O Grove) acollerá unha charla que porá o foco no “Obxectivo saúde: a revolución dos alimentos”. A ponencia correrá a cargo de Isabel Medina, profesora de Investigación do Instituto de Investigacións Marinas do CSIC, e centrarase nas variacións -a nivel anatómico e fisiolóxico-que as eleccións alimenarias e o cambio climático provocaron no organismo dos seres humanos. Xa o luns 13 de decembro o alumnado do IES Pintor Colemiro (Silleda) acudirá á charla “As matemáticas que pesquei na ría de Pontevedra”, da decana da Facultade de Matemáticas da USC, Elena Vázquez. Nela compartirá co alumnado a experiencia no proxecto “Marzo, mes das matemáticas”.

    A última das charlas terá lugar o luns 20 de decembro no IES Johan Carballeira (Bueu) da man de África González, catedrática de Inmunoloxía do Centro de Investigacións Biomédicas da UVigo. A profesora descubrirá ao alumnado do centro que é a vacinación e os pasos necesarios para desenvolver vacinas eficaces contra un patóxeno nunha charla titulada “Potencia ás túas defensas: vacínate!”.

    Con estas charlas péchase a segunda edición do ciclo que rende homenaxe co seu nome á  bióloga viguesa Aida Fernández Ríos e que xa desenvolveu dez conferencias destinadas ao conxunto da cidadanía entre os meses de abril e xuño. Nelas versouse sobre a muller e a ciencia, a contaminación por microplásticos ou as adegas circulares para espertar o interese do gran público sobre temas de actualidade científica con repercusión social e impulsou o labor científico en Galicia.

    COLABORACIÓNS

    Ponteareas deportiva

    Los núcleos más importantes de población concentran el grueso de las pruebas deportivas que se celebran a lo largo del año. Es lógico, las infraestructuras para la práctica de deporte forman parte del paisaje de grandes urbes, mientras ciudades pequeñas y pueblos tienen limitado el acceso a gimnasios, pistas, pabellones y piscinas.

    Domingo Villar, «Algúns contos completos»

    Domingo Villar é un dos escritores galegos de maior sona grazas ás súas novelas policiais protagonizadas polo inspector Leo Caldas. Pero o que agora nos presenta neste volume é unha faciana moi diferente daquela á que nos ten acostumados. Nesta entrega non hai crimes, nin intriga, nin tramas reviradas, nin atisbo algún de narración policial nin de literatura negra. Trátase dun proxecto moito máis persoal e cercano, un pequeno capricho feito á medida del e do seu círculo máis íntimo.

    ¡Galicia profunda!

    Hace unas semanas, Galicia saltó a la palestra por el dictamen de una jueza de Marbella que le retiró la custodia de un hijo a su madre por llevárselo a vivir a la "Galicia profunda". Tengo que reconocer que no he leído el auto y por lo tanto quiero pensar que una persona como una jueza, a la que se presupone cierto nivel cultural y un cierto grado de sentido común, que haya incluído esos términos en el mismo, ha sido un desliz. De ser un acto meditado demuestra el grado de ignorancia existente en éste país.

    Ana Cabaleiro, «Deixádenos remar»

    Descubrimos a Ana Cabaleiro cun libro de relatos tan interesante como «Sapos e sereas». Logo viría a novela «Las Ramonas» e agora chega cunha terceira proposta que, tal e como eu o vexo, navega entre ambos os dous mundos, o do relato curto e a novela tradicional, sen acabar de mergullarse en ningún deles. Claro que tal afirmación ben merece unha explicación detallada.

    Colaboradores

    Alberto Aliaga Sola
    14 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    6 POSTS0 COMMENTS
    Manrique Fernández
    49 POSTS0 COMMENTS
    Paz de la Peña
    36 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS