7.6 C
Pontevedra
Xoves, 20 de Xaneiro de 2022
Máis
    HomeBaixo MiñoTuiO Concello de Tui asina un convenio de colaboración coa Asociación de...

    O Concello de Tui asina un convenio de colaboración coa Asociación de Muiñeiros do Tripes

    Aportará 10 mil euros anuais para a recuperación e posta en valor deste elementos patrimoniais

    O Concello de Tui asina un convenio anual de colaboración coa Asociación de Muiñeiros do río Tripes. Na propia senda dos Muíños do Tripes así o daba a coñecer o alcalde, Enrique Cabaleiro, xunto ao presidente deste colectivo, Miguel Méndez, o presidente de honra, Alberto Romer, e o vogal Cristián Lago.  

    O alcalde de Tui, Enrique Cabaleiro, expresaba “o noso compromiso con esta asociación polo traballo que levan feito para recuperar unha parte da nosa historia e do noso patrimonio coma son os muíños e aqueles espazos naturais onde están ubicadas estas xoias patrimoniais”. Un compromiso que se ven de plasmar agora na sinatura por primeira vez con esta asociación dun convenio de colaboración, polo que o concello destinará unha partida de 10 mil euros do orzamento municipal para “axudarlle neste traballo que é importante para todos”, indicab,a lembrando que están sendo “un reclamo para as persoas que nos visitan ao longo do ano”.  

    Por outra parte, o rexedor tudense expuxo que están traballando na modificación do proxecto da senda que uniría os muíños do Tripes co río Miño que ten “importancia estratéxica porque conecta dous espazos naturais coma é a Rede Natura do Miño co Parque Natural do monte Aloia”. Nese senso expuña que tras a modificación do proxecto buscarán financiamento para viabilizala.

    Mentres tanto Miguel Méndez, presidente da Asociación de Muiñeiros do río Tripes, coma Alberto Romer, presidente de honra, amosaron o seu agradecemento ao concello por esta colaboración. Miguel Méndez destacou que se trata “dun momento histórico” para unha asociación que naceu no ano 2007. Avanzou que grazas a esta achega, parte da mesma se destinará a recuperación do tellado do Muíño de Dorna de Abaixo cun investimento superior os 4 mil euros, que se sumará a realizada no Muíño de Dorna de Arriba o ano pasado con fondos propios.  Precisaba tamén a importancia de levar a cabo obras de mantemento nos muíños para evitar o seu deterioro. Na actualidade a senda dos muíños do Tripes consta de 26 muíños, dos que 4 están en funcionamento e 15 rehabilitados que precisan de labores de mantemento.

    Alberto Romer “agradeceu ao concello a sensibilidade cos muíños do río Tripes”. Insistiu na importancia de manter os muíños, así coma os camiños e o entorno do Tripes.

    Cristián Lago, membro da Asociación de Muiñeiros do río Tripes, explicou que as actividades previstas este mes de outubro, plantexadas dentro deste convenio co concello,  “baséanse en dar a coñecer o legado que nos deixaron os nosos devanceiros, e ese traballo que fixo xente coma Alberto Romer”, nas mesmas incidía que se aúna “a actividade deportiva, co patrimonio e o entorno natural”. 

    Coma novidade realizarán un percorrido de 9 quilómetros circular dende o Lavadoiro de Riomuíños até a senda do Tripes percorrendo varios tramos do camiño Real a Baiona e que segundo explicaba “hai tramos moi ben conservados que gardan parte da nosa historia”.  A outra ruta será pola senda propiamente dita cun percorrido de 4,5 quilómetros.  Terán lugar nas fins de semana e tamén nesta ponte festiva con inscrición previa (Formulario de inscrición) xa que o número de prazas está limitado a 25.

    Programa de Rutas do mes de outubro

    Rutas “polo Camiño Real aos Muíños do Tripes”

    Ás rutas sairán dende o Lavadoiro de Riomuíños ás 10h. Percorrido circular de 9 quilómetros. Duración estimada 4 horas. Cada día haberá unha temática diferente.

    • Sábado 9 ás 10 h . Aproximación ao Camiño Real e os Muíños.
    • Luns 11 ás 10 h.  Recuperación de camiños históricos, a A Asociación Muíñeiros do río Tripes: pasado, presente e futuro.
    • Domingo 17 ás 10h. Arquitectura e oficios tradicionais.
    • Sábado 23 ás 10 h. A vida no S. XVIII: camiños e muíños
    • Domingo 31 ás 10 h. Lendas, contos e cantigas.

    Visitas guiadas pola Senda dos Muíños do Tripes

    Ás visitas sairán do  punto de inicio da Senda ás 11h. Percorrido circular de 4’5 quilómetros. Duración estimada 3 horas. Cada día haberá unha temática diferente

    • Domingo 10 ás 11h. Aproximación aos Muíños e a cultura muiñeira.
    • Martes 12 ás 11 h. A Asociación Muíñeiros do río Tripes: pasado, presente e futuro
    • Domingo 24 ás 11 h. Os muíños no S. XVIII
    • Sábado 30 ás 11 h. Lendas, contos e cantigas.

    Máis información: https://muineirosdotripes.blogspot.com/

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS