19.7 C
Pontevedra
Venres, 7 de Outubro de 2022
Máis
    HomeBaixo MiñoTuiA Xunta formará a 20 persoas desempregadas en Tui co obraodoiro 'Revaloriza...

    A Xunta formará a 20 persoas desempregadas en Tui co obraodoiro ‘Revaloriza 2021’

    A Xunta de Galicia, a través da Consellería de Emprego e Igualdade, está a apostar pola formación laboral de vinte persoas desempregadas do municipio de Tui coa recente posta en marcha do obradoiro de emprego de formato dual Revaloriza Tui 2021, que conta cun investimento de 347.000 euros.

    O delegado territorial da Xunta en Pontevedra, Luis López, acompañado do alcalde de Tui, Enrique Cabaleiro, e da directora do obradoiro, Raquel Fernández, visitou esta mañá as actividades desta iniciativa laboral, orientada á mellora da empregabilidade a través da formación específica en oficios, no Centro de Formación Municipal de Guillarei.

    “O emprego é un dos grandes eixos da acción de goberno da Xunta e por iso seguimos apostando por este modelo formativo, que outorga coñecementos e experiencia aos participantes e favorece a súa inserción laboral en sectores con moita saída en Tui e a súa contorna”, explicou o representante autonómico, que lembrou que a provincia de Pontevedra estreou nas últimas semanas 27 obradoiros, que formarán a 508 persoas cun investimento de 9,5 millóns de euros.

    O obradoiro de emprego Revaloriza Tui 2021 contará cos módulos de Colocación de Pedra Natural e Montaxe e Instalacións de Construcións de Madeira. A formación prolongarase durante nove meses, ata finais do mes de xullo, e, ademais das ensinanzas teórico-prácticas, ofertarase a posibilidade de realizar prácticas en empresas da contorna ao seu remate grazas ao seu formato dual.

    Ademais, durante a aprendizase destes oficios, os vinte participantes rehabilitarán a Fonte de Albeos (Guillarei), a Fonte-Lavadoiro do Outeiro (Guillarei), os lavadoiros do Souto (Guillarei), Fontenla (Areas) e Laxes (Randufe) e o Muíño do Regueiro (Paramos).

    Luis López agradeceu aos participantes “a súa implicación e gañas de aprender un oficio mellorando os seus coñecementos para outorgarse máis oportunidades no mercado” e amosouse convencido de que “aproveitarán estes nove meses ao máximo para adquirir coñecementos que poden ser fundamentais para o seu futuro”. Neste senso, recalcou o “compromiso” da Xunta coa creación de emprego e a xeración de riqueza no sur da provincia de Pontevedra, “algo que demostramos con feitos, tal e como se confirma cos tres obradoiros e 23 cursos de formación para desempregados que temos en marcha agora mesmo”.

    “Damos cumprida resposta ao que pide a cidadanía e ofertamos un programa de formación moderno, dual, orientado a xente sen traballo para mellorar a súa empregabilidade, posibilidades de futuro e inserción laboral, que ademais van recibir unha remuneración durante nove meses e que contribuirán ao beneficio de todas e todos coa recuperación de bens públicos”, concluíu o delegado territorial.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS