8.3 C
Pontevedra
Xoves, 28 de Marzo de 2024
Máis
    HomeBaixo MiñoTuiA Oficina Municipal de Turismo de Tui atendeu en novembro máis de...

    A Oficina Municipal de Turismo de Tui atendeu en novembro máis de 1.200 visitantes

    A Oficina Municipal de Turismo de Tui recibiu durante o mes de novembro un total de 1.284 visitantes, dos que 1.125 eran turistas e 159 peregrinos.

    Os turistas foron maioritariamente de procedencia nacional cun total de 1.082 persoas que demandaron información turísticas na céntrica oficina tudense. Chegaron principalmente de Madrid (148), Barcelona (135), Pontevedra (125), Guadalaxara (100), Asturias (59), Cuenca (56), Tenerife (56)…

    Mentres os 43 turistas internacionais que en novembro se achegaron á oficina tudense proviñan de Portugal(15), Francia (5), Reino Unido(4), Italia (4), Brasil (4), Croacia(3), P. Baixos (3), Alemaña (2)…

    Mentres no que atinxe aos peregrinos foron atendidos 71 peregrinos de procedencia internacional, cuxas principais nacionalidades foron: Alemaña(8), Francia (8), Italia (7), EE.UU (6), Uruguai (6), Portugal (4), Brasil (4), R. Unido (3), Taiwán (2)… Pola súa banda, os 88 peregrinos españois chegaron dende: Baleares (18), Madrid(9), Alacante (7), Barcelona (6), Cádiz (6), Pontevedra (6), Málaga (5)…

    Por outra parte de Tui segundo os datos da Oficina do Peregrino da Catedral de Santiago no pasado mes o Camiño Portugués acolleu a 1.842 peregrinos, manténdose como a segunda ruta de peregrinación escollida, fronte ao Camiño Francés que tivo 5.997 visitantes pero a distancia do Camiño Norte con 796 peregrinos ou o Camiño Portugués da Costa con 707 peregrinos.

    Cómpre indicar como Tui segue manténdose como un dos primeiros lugares escollidos para iniciar a peregrinación con 503 peregrinos, superada por Sarria (2.333), St. Jean Pied de Port (1.606) e Porto (759).

    O alcalde de Tui, Enrique Cabaleiro, salienta que estes datos indican a consolidación dunha tendencia, crecente ano a ano, dunha maior desestacionalización do sector turístico, ao que contribúe de modo especial o Camiño de Santiago, que a pesar das inclemencias meteorolóxicas do pasado mes continua a ofrecer excelentes datos nos número de peregrinos polo Camiño Portugués.

    Por outra banda, constátase neste datos unha crecente consolidación da Oficina Municipal de Turismo na súa nova localización cun amplo número de visitantes que se achegan ata mesma na procura de información na súa visita á nosa cidade.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.