18.4 C
Pontevedra
Venres, 6 de Agosto de 2021
Máis
    HomeBaixo MiñoTomiñoTomiño impulsa a redacción do proxecto «Camiño Escolar Seguro para o colexio...

    Tomiño impulsa a redacción do proxecto «Camiño Escolar Seguro para o colexio de Goián»

    Un dos principais obxectivos é que o alumnado vaia gañando autonomía persoal, xunto a adopción de hábitos saudables e actividade física

    O Concello de Tomiño vén de adxudicar a redacción do proxecto e do plan de dinamización do “Camiño Escolar Seguro para o CEIP Pintor Antonio Fernández, en Goián (Tomiño)”. O proxecto foi adxudicado á empresa ‘Muñiz Alfaya, SLU’, por valor de 33.333,33 euros, IVE incluído. A maior parte do custe procede dunha subvención da Deputación de Pontevedra, concedida o 14 de setembro pasado, para a redacción deste proxecto. O prazo de execución é de dous meses e a redacción inclúe unha primeira fase de recollida e análise de datos; unha segunda de diagnose e finalmente, a redacción da proposta.

    Un dos principais obxectivos do proxecto é que o alumnado vaia gañando autonomía persoal, xunto a adopción de hábitos saudables, como a actividade física, a través dunha serie de medidas e actuacións nas que el mesmo participará de xeito directo, realizando tarefas dentro e fóra das aulas, coma por exemplo, unha “saída de exploración” polo entorno, na que acompañados por membros do equipo redactor, encargarase de realizar unha avaliación crítica (a través da toma de notas e fotografías) da morfoloxía urbana que rodea ao centro educativo: mobiliario urbano, zonas de cruce, de estacionamento, barreiras arquitectónicas, etc.

    Días atrás, celebrouse unha reunión de presentación entre o equipo redactor da empresa, composto por profesionais de distintas áreas do Planeamento Urbano (arquitectura, enxeñería, socioloxía, etc.), e os concelleiros e técnicos da área municipal de Educación e Obras, e posteriormente, outra, cas nais e pais do alumnado do centro, para explicar o proceso de implantación do“Camiño escolar seguro”; un proxecto que se desenvolverá entre a dirección e a comunidade educativa do centro e o Concello de Tomiño, co apoio da Deputación de Pontevedra.

    Durante estes meses de traballo sobre o propio terreo, e de oficina, os profesionais encargados de executar o proxecto, seguirán reuníndose con técnicos municipais, e ca dirección do centro escolar e da súa ANPA, para constituír un grupo dinamizador con representantes de cada área, coa intención de coordinar e consensuar as accións e actividades que se desenvolveran cos cativos e rapaces da escola.

    COLABORACIÓNS

    O Morrazo e O Salnés, éxito asegurado

    Con motivo del día de la patria gallega esta publicación está dedicada a nuestra mágica tierra. “Miña terra galega, donde el cielo es siempre gris” cantaba Siniestro Total allá por los 80.

    Santiago Lopo, «A carteira»

    Santiago Lopo volve a sorprendernos cunha novela na que demostra a súa habilidade para conxugar unha chea de elementos que semellan dispares e que, baixo a súa pluma, combinan á perfección, e facelo dun xeito ameno sen que iso signifique deixar de lado nin a fondura de pensamento nin certa capacidade reivindicativa.

    Clafoutis, un postre clásico francés a base de cerezas

    Os presento uno de los postres más conocidos de la repostería francesa, el Clafoutis. Un postre sencillo, con una elaboración y una combinación de ingredientes que le dan una textura y sabor exquisitos. La combinación de almendra y cereza veréis que es realmente deliciosa.

    Colaboradores

    Alberto Aliaga Sola
    8 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    3 POSTS0 COMMENTS
    Manrique Fernández
    43 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS