14.7 C
Pontevedra
Mércores, 5 de Outubro de 2022
Máis
    HomeBaixo MiñoTomiñoTomiño continúa co programa de recuperación do patrimonio sinalizando os seus templos...

    Tomiño continúa co programa de recuperación do patrimonio sinalizando os seus templos románicos

    Foron colocados paneis explicativos e informativos nas igrexas de San Vicente de Barrantes, Santa María de Tebra e Tomiño

    Tomiño continúa avanzando na recuperación e dignificación do seu patrimonio. Na actualidade a concellería de cultura está implementando un proxecto cuxo obxectivo é localizar, inventariar e documentar o patrimonio de carácter etnográfico ligado á arquitectura tradicional e os exemplos de igrexas e capelas románicas do concello.

    Neste sentido, o concello de Tomiño conseguiu unha subvención da Deputación de Pontevedra por valor de 11.764,38 euros, coa cal se levou a cabo o inventario de todo este patrimonio, realizado pola historiadora da arte Sara Quintana. Ademais disto, asinouse un convenio coa Diócese Tui-Vigo para a instalación de tres paneis informativos e explicativos nas igrexas de Santa María de Tebra, Santa María de Tomiño e San Vicente de Barrantes, co obxectivo de difundir e dar conta do valor patrimonial destas obras arquitectónicas.

    As igrexas e capelas románicas presentes no concello de Tomiño, ás que hai que sumar as igrexas de San Salvador de Tebra e San Salvador de Sobrada, son testemuñas dun período da historia especialmente relevante no municipio, gardando a memoria do seu pasado e a súa importancia na Idade Media, polo que merecen contar cunha boa difusión e sinalización.

    Ademais da catalogación das igrexas e capelas románicas, no inventario serán incluidos todo tipo de bens que integran o patrimonio etnolóxico do municipio como pontes antigas, cruceiros, hórreos, petos de ánimas, muíños de río e a infraestrutura hidráulica necesaria para o seu funcionamento ou fontes e lavadoiros, entre outros elementos.

    “Este proxecto é importante non só para ter un inventario completo do patrimonio existente no municipio, senón que é fundamental para poñelo en valor, difundilo e perpetuar a identidade de Tomiño a través da historia facendo partícipe a veciñanza no proceso”, comenta a concelleira de Cultura Ana Isabel Fernández.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS