3.1 C
Pontevedra
Martes, 31 de Xaneiro de 2023
Máis
    HomeBaixo MiñoTomiñoTomiño asina un convenio coa Fundación Manuel María para difundir a obra...

    Tomiño asina un convenio coa Fundación Manuel María para difundir a obra do poeta galego

    O Concello de Tomiño e a Fundación Manuel María de Estudos Galegos veñen de asinar un convenio a través do que se o Goberno municipal se compromete a colaborar na difusión da obra do poeta galego. “Con esta iniciativa sumámonos a este fermoso proxecto posto en marcha pola fundación para continuar dando visibilidade a un poeta que destacou pola súa defensa da lingua e o seu compromiso político”, salienta a alcaldesa, Sandra González.

    Así, a través deste convenio, Tomiño incluirá na súa programación cultural para o vindeiro ano 2024 a representación de ‘Auto do Castromil’, unha peza de Producións Teatrais Excéntricas baseada nunha obra homónima de Manuel María, a obra gañadora do III Certame de Manuel María de Proxectos Teatrais, convocado pola propia Fundación e Casa-Museo Manuel María coa colaboración co Centro Dramático Galego; as Mostras de Teatro de Ribadavia, Cariño e O Carballiño; deputacións e 33 concellos galegos, entre eles Tomiño.

    Dirixida por Quico Cadaval e cun elenco composto por Víctor Mosquera, Evaristo Calvo, Patricia Vázquez e Rocío González, o xurado decidiu por unanimidade concederlle este galardón por ser un proxecto “brillante e imaxinativo, recuperando propostas contidas no teatro de máscaras de Otero Pedrayo, un dos textos máis visionarios no deseño dun teatro de vangarda propiamente galego, cunha estética con capacidade de intervir na sociedade contemporánea recollendo os valores da obra de Manuel María que combina a vangarda coa cultura popular”. Ademais, destacou que a obra “presenta unha gran capacidade de chegar a un espectro de público moi amplo, incluído o público escolar, pola súa mestura de estilos, o xogo cos obxectos e os materiais, aventurando un espectáculo singular que promete poética e humor”.

    Este certame de carácter bienal está destinado ás compañías profesionais galegas e premia a mellor proposta escénica dunha obra de Manuel María que deberá estar en escena nun prazo máximo de 10 meses para despois estar en cartel dende o último trimestre de 2023 ata finais de 2024. Serán os concellos, mostras de teatro e deputacións as que se encargarán de financiar o espectáculo a través da diferentes programacións culturais. O proxecto contará coa coprodución do Centro Dramático Galego e cunha achega de 4.000 euros por parte da Fundación Manuel María.

    COLABORACIÓNS

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS