9.6 C
Pontevedra
Xoves, 28 de Marzo de 2024
Máis
    HomeBaixo MiñoTomiñoTomiño ampliará e optimizará a rede de saneamento cun investimento de máis...

    Tomiño ampliará e optimizará a rede de saneamento cun investimento de máis de 100.000 euros

    A Concellería de Servizos Públicos vai acometer a construción dun novo emisario da EDAR e obras de saneamento en distintos barrios do termo municipal

    O Concello de Tomiño levará a cabo en breve dúas obras de saneamento cun investimento de 110.000 euros. Trátase, en primeiro lugar, da construción dun novo emisario da EDAR (Estación Depuradora de Augas Residuais) situada en Goián, coma resultado dunha esixencia de Aguas de Galicia que se leva anos tramitando, co fin de evitar o pago do canon que se vén abonando á Confederación Hidrográfica Miño-Sil, por consideralo abusivo. Neste sentido, a alcaldesa de Tomiño, Sandra González, lamenta que nin Aguas de Galicia nin á confederación, asuman o custe das obras (55.000 euros), polo que o Concello vese na obriga de solventalas con fondos propios.

    No último pleno, celebrado no mes de xullo, aprobouse un expediente de modificación de créditos que permitirá dispor dos 55.000 euros que custarán as obras, a intervención será contratada en breve co propósito de tela operativa o antes posible.

    As obras, consistentes na instalación dunha tubaxe ao longo duns 200 metros, cara ao Miño, onde chegarán os vertidos unha vez sexan tratados na estación depuradora.

    Por outra banda, a Concellería de Servizos Públicos vai acometer novas obras de saneamento en distintos barrios do termo municipal, cun investimento previsto de 50.000 euros, co fin de levar o servizo a unhas 20 vivendas. Trátase de pequenos grupos de casas que quedaron ao marxe do saneamento por diferentes razóns e que demandan o servizo dende hai tempo, tendo nalgúns casos, problemas coas fosas sépticas.

    Estes investimentos permiten facer enganches para grupos de vivendas, próximos aos colectores e ir ampliando así a rede municipal.

    Na actualidade, un 60 % do total de unidades familiares existentes en Tomiño, contan co servizo público de saneamento e está previsto seguir ampliándoo progresivamente.

    Mentres, e para afrontar a problemática derivada da amplitude xeográfica do municipio (106 m2) e da gran dispersión existente, o Concello pon a disposición da veciñanza dende hai tres anos, un servizo de baleirado de fosas sépticas. Así, a concellería subvenciona unha parte do custe do baleirado, co obxectivo de, por una lado, tentar axudar ás vivendas que non teñen acceso á rede de saneamento, e por outro, evitar verteduras ilegais, ter un censo dos verquidos e identificar problemas de contaminación.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.