7.6 C
Pontevedra
Venres, 29 de Marzo de 2024
Máis
    HomeBaixo MiñoTomiñoO Desafío Terras de Turonio volta con forzas tras un parón de...

    O Desafío Terras de Turonio volta con forzas tras un parón de dous anos

    A proba de BTT-Maratón presentouse onte pola mañá no Concello de Tomiño

    Tras dous anos de receso por mor da Covid-19, o Desafio Terras de Turonio volta con forzas como a gran cita do ciclismo de montaña.

    A proba de BTT-Maratón por parellas e individual, que organiza a firma Team Relay en colaboración co Concello de Tomiño, terá lugar o sábado 7 de maio con máis de 450 participantes chegados desde as comarcas do Baixo Miño e Val Miñor, resto do sur de Pontevedra e diferentes puntos de Galicia e Portugal.

    Así o indicou Santi Sánchez, responsable da organización na presentación da proba, celebrada onte pola mañá no salón de plenos do Concello de Tomiño, coa asistencia da alcaldesa Sandra González; a deputada provincial Raquel Giráldez (en representación da Deputación de Pontevedra, entidade colaboradora); o concelleiro de Deportes, Fran Campo e o responsable do ximnasio tomiñés Meu Fit, Mauro Blanco, que facilitará baños, duchas e vestiarios o día da proba.

    Nesta edición 2022 haberá dous percorridos: un de longa distancia (104 Km. parellas) e outro de corta distancia (62 Km. individual). A saída será ás 9 da mañá desde a Praza do Seixo, a carón do Concello de Tomiño, patrocinador institucional do desafío.

    Do mesmo xeito que nas edicións anteriores, o punto neurálxico da organización estará situado a tomiñesa Praza do Seixo, punto de saída e meta, desde o cal os ciclistas deberán afrontar un trazado pola Serra de Argallo e da Groba, dous das serras máis importantes do sur das Rías Baixas, que porán a proba a resistencia dos ciclistas, pasando tamén polos concellos de O Rosal, Oia, Baiona e Gondomar.

    Ao finalizar a proba haberá duchas, comida e servizo de fisioterapia para todos os participantes.

    Como comentou o concelleiro Fran Campo, “na actualidade, o Desafío Terras de Turonio é a única proba das súas características en Galicia, que tras as súas exitosas primeiras edicións, pasou a ser unha cita destacada no calendario a nivel rexional e nacional”.

    Desafío Terras de Turonio 2022

    SÁBADO 07 MAIO

    Lugar: Tomiño (Praza do Seixo).

    Ruta longa

    • 08:00 a 08:45 Retirada de dorsais.
    • 09:00 Saída proba.
    • 14:00 Chegada primeiros participantes.

    Ruta curta

    • 08:00 a 09:30 Retirada dorsais.
    • 10:00 Saída proba.
    • 13:00 Chegada primeiros participantes.

    PERCORRIDO

    PERCORRIDO RUTA CURTA

    Distancia total

    61 quilómetros

    Desnivel positivo acumulado

    1300 metros

    Avituallamentos

    1. Km 17 Goián (Tomiño). Líquido.
    2. Km 31 Vilachán do Monte (Tomiño). Sólido | Líquido.
    3. Km 50 Vilachán do Monte (Tomiño). Sólido | Líquido.

    Puntos crave da proba

    • Km 17 ^ Subida “O Muro” (Lonxitude 1km. Dificultade 4).
    • Km 25 ^ Subida Canteiras (Lonxitude 2’5km. Dificultade 5).
    • Km 33 ^ Subida Barrantes (Lonxitude 2’9km. Dificultade 2).
    • Km 36     Tramo “Camiño de cabalos” (Lonxitude 2km Dificultade 5).

    PERCORRIDO RUTA LONGA

    Distancia total

    104 quilómetros.

    Desnivel positivo acumulado

    2700 metros

    Avituallamentos

    1. Km 17 Goián (Tomiño). Líquido.
    2. Km 31 Vilachán do Monte (Tomiño). Sólido | Líquido.
    3. Km 52 Mougás (Oia). Líquido.
    4. Km 72 Chan dá Lagoa (Baiona). Sólido | Líquido.
    5. Km 92 Vilachán do Monte (Tomiño). Sólido | Líquido.

    Puntos crave da proba

    • Km 17 ^ Subida “O Muro” (Lonxitude 1km. Dificultade 4).
    • Km 25 ^ Subida Canteiras (Lonxitude 2’5km. Dificultade 5).
    • Km 33 ^ Subida Barrantes (Lonxitude 2’9km. Dificultade 2).
    • Km 36 ^ Tramo “Camiño de cabalos” (Lonxitude 2km Dificultade 5).
    • Km 57 ^ Subida Curro de Mougás (Lonxitude 2’4km. Dificultade 5).
    • Km 80 ^ Subida Groba (Lonxitude 3’5km. Dificultade 4).

    Regulamento

    O DESAFÍO TERRAS de TURONIO é unha proba BTT de longa distancia que se celebrará o 07.05.2022 e que se pode disputar sobre dúas distancias:

    • Distancia longa 104 km (PARELLAS)
    • Distancia curta 62 km (INDIVIDUAL)

    Categorías

    1. Haberá 5 grupos de idade para os participantes na distancia longa (Parellas):
      • Masculina. Cando a suma das idades dos compoñentes do equipo sexa inferior a 75 anos.
      • Feminina. Con licenzas da categoría feminina.
      • Mixta. Cando os compoñentes do mesmo equipo sexan de distinto sexo.
      • Veteranos. Cando a suma das idades dos compoñentes do equipo supere os 75 anos.
      • Centenarios. Cando a suma das idades dos compoñentes do equipo supere os 100 anos.
    2. Poderanse confeccionar equipos aínda que a categoría ou o equipo que figura na súa licenza sexa distinto.
    3. Os participantes da distancia curta (Individuais) dividiranse en masculino e feminino.
    4. Recibirán obsequio os mellores tempos de cada grupo de idade e individual.
    5. Recibirán tamén obsequio o equipo máis afastado e o de maior idade.

     Máis información e inscricións: http://desafioterrasdeturonio.blogspot.com.es/

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.