14.7 C
Pontevedra
Domingo, 5 de Febreiro de 2023
Máis
    HomeBaixo MiñoTomiñoA Eurocidade Cerveira-Tomiño avalía os seus proxectos pioneiros de cooperación

    A Eurocidade Cerveira-Tomiño avalía os seus proxectos pioneiros de cooperación

    O Orzamento Participativo Transfronteirizo e as Valedoras da cidadanía son dúas das figuras creadas polos municipios para promover as relacións entre os seus habitantes

    A Eurocidade Cerveira-Tomiño, a partir do ano 2014, envolvendo nas súas accións a máis de 10.000 persoas, afondou e consolidou as relacións institucionais a través dunha programación e xestión conxunta e partillada de distintos servizos públicos e do envolvemento da cidadanía na formulación de solucións comúns para a resolución de problemas comúns. Ditas accións fixéronse no marco da “Axenda Estratéxica para a Cooperación Transfronteiriza Amizade Cerveira-Tomiño”, cofinanciada polo FEDER a través do Programa Interreg V A España-Portugal (POCTEP).

    Neste camiño conxunto pódense salientar algunhas accións distintivas, nomeadamente, a nivel da participación pública e da implicación da cidadanía, que se citan a continuación:

    i) Orzamento Participativo Transfronteirizo (OPT), proxecto pioneiro que permite á cidadanía e/ou entidades presentar proxectos comúns que son posteriormente votados polos electores de ambos os dous concellos. Entre 2016 e 2019, máis de 2000 votantes escolleron 10 proxectos, dun total de 25 candidaturas presentadas, que envolveron perto de 3000 participantes, en áreas como cultura, deporte, ambiente ou accesibilidade para todas as persoas.

    ii) Valedoras da Cidadanía Transfronteiriza, figura única en Europa, que ten como función dar informacións sobre dereitos e deberes da cidadanía transfronteiriza e aínda rexistrar eventuais ocorrencias que poidan contribuír para corrixir problemas e mellorar o relacionamento entre as persoas e as institucións dos dous lados da fronteira. No ámbito da súa acción destácase a recomendación para a eliminación das barreiras á mobilidade infantoxuvenil, problemática que foi albo de análise no ámbito do proxecto B- solutions da Comisión Europea.

    iii) No que respecta á planificación e xestión conxunta de equipamentos e servizos de utilización colectiva, destácase a creación dunha Plataforma Tecnolóxica de Xestión de Servizos Partillados, que facilitará o acceso da veciñanza a varios servizos na Eurocidade.

    Para conclusión do proxecto serán realizadas as II Xornadas Amizade Cerveira Tomiño, que terán lugar o próximo día 23 de outubro, no Centro de Apoio ás Empresas de Cerveira e que servirán tamén para facer o balance dos resultados alcanzados. As conferencias poderán seguirse en streaming na web da Eurocidade (eurocidadecerveiratomino.eu).

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS