7.9 C
Pontevedra
Venres, 29 de Marzo de 2024
Máis
    HomeBaixo MiñoTomiñoA Deputación remata as obras de mellora da seguridadae viaria na EP...

    A Deputación remata as obras de mellora da seguridadae viaria na EP 3101 en Tomiño

    A actuación, adxudicada por preto de 110.000 euros, permitiu construír unha nova rotonda, canalizar o acceso á mesma e mellorar a sinalización da estrada

    A Deputación de Pontevedra vén de rematar as obras de mellora da seguridade viaria na rotonda no punto quilométrico 3+780 da estrada provincial 3101 entre Tebra e Cristelos, no concello de Tomiño. A actuación foi adxudicada por preto de 110.000 euros PARA acometer unha reforma global e melloras na intersección da estrada, enmarcada no modelo de mobilidade segura do goberno provincial.

    Máis polo miúdo, a través destas obras deseñouse unha nova rotonda co obxectivo de mellorar a seguridade viaria na intersección. Así, configurouse unha rotonda de diámetro exterior de 28 metros e interior de 8 metros, con dous carrís. Asemade, para canalizar o acceso á mesma, dispúxose mediante sinalización horizontal de illotes nunha lonxitude superior a 25 metros.

    Tamén se acondicionaron zonas peonís na parada de autobús, á que terá acceso directo a través da rotonda e quedará marcada pola sinalización horizontal. Igualmente situáronse sumidoiros e cuneta para as augas pluviais e efectuouse a instalación dunha nova rede de alumeado público con todos os elementos precisos para o seu correcto funcionamento.

    Con estas obras dáse solución á necesidade de impulsar melloras en canto á seguridade viaria na EP 3101, así como acometer actuacións de mantemento e saneamento da plataforma e mellorar a sinalización tanto do límite da estrada como da zona de parada de autobús.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.