18.5 C
Pontevedra
Mércores, 6 de Xullo de 2022
Máis
    HomeBaixo MiñoTomiñoA alcaldesa de Tomiño é convidada a un foro internacional sobre o...

    A alcaldesa de Tomiño é convidada a un foro internacional sobre o futuro dos territorios transfronteirizos

    Participa este mércores en París nunha mesa redonda sobre o papel da mocidade e a participación pública na cooperación transfronteiriza

    Sandra González, alcaldesa de Tomiño, intervirá o vindeiro 22 de Xuño no Foro sobre Fronteiras organizado en París no marco do semestre da presidencia francesa do Consello da Unión Europea (UE) que finaliza este mesmo mes de xuño. A súa participación está prevista na mesa redonda que abordará o papel da mocidade e da sociedade civil na construción dos territorios transfronteirizos.

    Para os organizadores, teñen especial interese as experiencias da Eurocidade Cerveira Tomiño no ámbito da participación pública, nomeadamente o Orzamento Participativo Transfronteirizo e as iniciativas das Valedoras da Cidadanía Transfronteiriza.

    O Foro decorrerá os días 21 e 22 de xuño na Cidade Internacional Universitaria de París e poderase seguir tamén online. Para a rexedora tomiñesa, que falará ás 14.30h do día 22, “é un orgullo representar aos veciños e veciñas de Tomiño nun foro internacional que se interesa pola cooperación que desenvolvemos na Eurocidade cos amigos portugueses de Vila Nova de Cerveira”.

    Organizado pola asociación gobernamental francesa MOT (Mission Opérationnelle Transfrontalière), coa colaboración da Comisión Europea, o Comité Europeo das Rexións (CoR) e ESPON, o Foro ten entre os seu principais obxectivos “amosar o papel clave das áreas transfronteirizas na construción de cidadanía europea e as súas potencialidades para un desenvolvemento sustentable e inclusivo”. O Foro busca ademais, segundo o recollido na súa páxina web https://bordersforum.eu: “convencer as autoridades europeas e dos diferentes estados da necesidade de colocar estes territorios no corazón da súa acción pública”.

    Teñen anunciada a súa presenza a Comisaria Europea de Cohesión, Elisa Ferreira; a Ministra francesa para a Transición Ecolóxica e a Cohesión Territorial; eurodeputados e gobernantes de distintos países, municipios e estados europeos;  ou representantes da Association of European Border Regions (AEBR) e do Secretariado da Conferencia sobre o Futuro de Europa.

    As prácticas de gobernanza participativa da Eurocidade Cerveira-Tomiño xa foron recoñecidas nos últimos anos como experiencias relevantes para a cooperación nos territorios de fronteira. Así, o Orzamento Participativo Transfronteirizo, instaurado en 2016, foi premiado en 2018 como unha das 5 mellores prácticas de Participación Cidadá en Portugal. Pola súa parte, as Valedoras da Cidadanía Transfronteiriza foron distinguidas como Boa Práctica en Participación Cidadá 2019 polo Observatorio Internacional da Democracia Participativa, entidade que agrupa 800 cidades, vilas e organizacións de todo o mundo.

    Lembramos que hai unhas semanas, a alcaldesa asistiu na cidade eslovena de Nova Gorica, a un novo encontro internacional no marco do Proxecto BRIDGE, no que participaron tamén outros 11 socios europeos, coa finalidade de crear redes de cooperación en materia transfronteiriza e intercambiar boas prácticas.

    COLABORACIÓNS

    ¡Hogueras de San Juan!

    Ha pasado la noche de San Juan y parece que todo vuelve a la normalidad. Si, porque se han vuelto a ver grupos de gente en las playas como si el virus no hubiera existido nunca. Me pregunto, si también será culpa de Rusia que el virus hubiera desparecido, porque ya todo el mundo está actuando como si nada. ¡Ah! espera, en los hospitales sigue habiendo gente ingresada con el covid y que todos los días sigue falleciendo enfermos a causa de esta enfermedad... pero ya no es noticia porque en la prensa apenas aparece en letra pequeña.

    Marilar Aleixandre, «Unha presa de terra»

    Se fai só algunhas semanas dabamos conta neste mesmo espazo dunha reedición ampliada da novela «Sobrevivindo», coa que Arantza Portabales gañara un coñecido premio de novela por entregas organizado por un xornal galego, o que hoxe traemos é un caso que semella calcado daquel.

    Nueva oportunidad para las aguas del río Tea

    Aprovechar nuestros recursos y sacar de ellos el mayor rendimiento posible es una estrategia de gestión que conviene seguir. De manera sencilla, se trata de potenciar aquello que ya tenemos, intentando hacerlo mejor y más atractivo, sin necesidad de comprar o importar elementos nuevos o extraños. Se trata de aplicar, por tanto, la eficiencia.

    Summer is coming

    Últimamente me está costando ser constante y escribir el último domingo de cada mes (aún gracias que ser puntual fue uno de los numerosos propósitos que me marqué para este 2022), así que os dejo el texto que correspondería al mes de mayo.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    13 POSTS0 COMMENTS
    Manrique Fernández
    66 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS