16.5 C
Pontevedra
Martes, 4 de Outubro de 2022
Máis
    HomeBaixo MiñoOiaTanxugueiras e LaMontagne & Pico Amperio actuan este domingo en Oia

    Tanxugueiras e LaMontagne & Pico Amperio actuan este domingo en Oia

    Oia acollerá este domingo un dos concertos do Xacobeo, que traerá a Tanxugueiras e ao dúo LaMontagne & Pico Amperio. A cita musical terá lugar na Eira do Convento (Santa María de Oia) a partir das 20:00 horas.

    A programación dos “Concertos do Xacobeo”, organizada pola Xunta de Galicia e o Xacobeo 21-22, permitirá ao público oiense gozar de dúas recoñecidas formacións musicais que, nos seus respectivos traballos, mesturan con mestría innovación e tradición.

    O espectáculo deste domingo será gratuíto e de entrada libre. Comezará ás 20.00 horas coas propostas de LaMontagne e Pico Amperio para, posteriormente, continuar coa actuación das Tanxugueiras.

    Tanxugueiras

    Sabela Maneiro, Aida Tarrío e Olaia Maneiro son Tanxugueiras, tres cantareiras para unha nova década. Só elas son capaces de reinterpretar os sons dunha tradición milenaria fusionándoa con ritmos urbanos, máis próximos ao trap ou á electrónica. A súa enerxía, o seu empoderamento, a súa contundencia e o seu virtuosismo vogal son os máximos expoñentes do seu innovador estilo, coñecido como trad.

    O trío recolle o legado das pandereteiras, as mulleres que traballaron por manter viva a música tradicional galega, para revisionalo e lanzarllo de novo ao mundo nunha explosión de modernidade, contando cun estilo épico e unha forza ancestral que as fixo triunfar xa en escenarios de varios países.

    Aválanas éxitos como Midas, Figa, Averno (colaboración con Rayden) ou Terra (con máis de 11.000.000 de escoitas nas plataformas dixitais a finais de xaneiro de 2022), tema co que se alzaron como favoritas do público no Benidorm Fest, competindo por ir a Eurovisión con artistas como Rigoberta Bandini, Chanel, Varry Brava ou Javiera Mena. Todo forma parte do seu novo disco Diluvio, que veu a luz a finais de xullo de 2022 e co que presentan un potentísimo show. Nel móstrase a nova sonoridade creada pola banda, da que xa deron parte en directo en Manresa, Castellón, ou Porto e Setúbal (Portugal). Son o son dun pobo internacionalizado. Son a cultura tradicional na pista de baile. Son todos os mundos nun. Porque para Tanxugueiras “non hai fronteiras”.

    Laura LaMontagne & Pico Amperio

    Pola súa banda, Laura LaMontagne inicia o seu proxecto con Pico Amperio (DJ e produtor) en xullo de 2019 entre Santiago de Compostela e Lugo. Viñan de experiencias moi dispares: Pedro (Teo, 1995) formou parte do colectivo Hip Hop Ateneu e dos grupos Pura Mestura e Furnier; mentres que Laura (Lugo, 1993) experimentou en recitais de poesía de Compostela, en concertos en solitario e noutros proxectos previos dos que formou parte.

    Melodías suaves, bucles vogais, percusións marcadas e atmosferas rasgadas son elementos esenciais da súa particular expresión artística. Na súa proposta mestúranse música medieval galaico-portuguesa, ambiente hip hop e poesía, con especial atención ás obras de Martín Códax, Airas Nunes, Rosalía de Castro, Luz Fandiño e Xela Arias.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS