8.7 C
Pontevedra
Xoves, 28 de Marzo de 2024
Máis
    HomeBaixo MiñoOiaO Concello inicia a gravación do documental “O agro en Oia”

    O Concello inicia a gravación do documental “O agro en Oia”

    O Concello de Oia vén de iniciar as gravacións para o documental “O agro en Oia”, unha peza audiovisual que se centrará no patrimonio material e inmaterial que atesouran as distintas prácticas, costumes e tradicións vinculadas ao traballo da terra.

    Nestas primeiras gravacións tense feito o rexistro dalgunhas tarefas cotiás relacionadas co cultivo e recolección de produtos como o centeo, a pataca ou o millo. Os labores de sega, empacado de palla e a elaboración de palleiros de centeo son os principais protagonistas das imaxes capturadas polo equipo que realiza a peza audiovisual.

    O documental ten o obxectivo de por en valor e recuperar os labores agrícolas tradicionais en Oia, implicar a distintas persoas e institucións nun proxecto participativo, rexistrar variantes dialectais do galego local, impulsar o uso da lingua galega e acadar unha valoración positiva do idioma entre as persoas que o empregan no seu día a día.

    Para a realización deste audiovisual cóntase cunha subvención da Xunta de Galicia (promoción da lingua galega) por importe de 2.257,10 euros e unha da Deputación (dinamización da lingua) de 2.679,30. A cantidade restante para completar o orzamento total do proxecto, de 4.900 euros+IVE, será asumido polo Concello con recursos propios.

    A participación no documental está aberta a toda a veciñanza, a fin de poder reunir coñecementos, experiencias e vivencias relacionadas co agro para gravalas en entrevistas. As persoas interesadas en participar ou facer calquera tipo de achega poden contactar co Concello no teléfono 986362125.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.