13 C
Pontevedra
Martes, 19 de Marzo de 2024
Máis
    HomeBaixo MiñoO RosalObradoiros de «Afectividade e outras formas de querer» no CPI Suárez Marquier...

    Obradoiros de «Afectividade e outras formas de querer» no CPI Suárez Marquier do Rosal

    O xoves 7 de novembro comezou a desenvolverse no CPI Suárez Marquier do Rosal, o ‘Obradoiro de afectividade’, unha iniciativa impartida pola educadora familiar do Concello do Rosal e dirixida aos tres grupos de 2º da ESO.

    En total, máis de 60 mozos e mozas con idades comprendidas entre os 13 e 14 anos traballarán, durante as vindeiras semanas, o modo de afrontar o inicio das relacións de parella en Igualdade e respecto.

    Conceptos como autoestima, estereotipos de xénero, sentimentos ou a presión do grupo traballaranse ao longo de seis sesións distribuídas en tres sesións de 50 minutos con cada grupo.

    Tanto este obradoiro de ‘Afectividade’ que acaba de comenzar cos grupos de 2º ESO, como o obradoiro de ‘Outras formas de querer’ que comenzará a próxima semana e que se prolongará durante todo o mes de novembro cos grupos de 1º ESO, xurden da colaboración entre o concello do Rosal e o CPI Suárez Marquier.

    Case 200 alumnos e alumnas de entre 12 e 16 anos de idade traballararán neste curso 2019-2020 as emocións, sentimentos e relacións de parella, de cara a fomentar o bo trato e previr a violencia de xénero entre o sector máis novo da poboación.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.