11.5 C
Pontevedra
Venres, 9 de Decembro de 2022
Máis
    HomeBaixo MiñoO RosalO Rosal pon en marcha un punto verde para xestionar os restos...

    O Rosal pon en marcha un punto verde para xestionar os restos de poda e herbas

    O Concello mantén a súa aposta por facer do Rosal un municipio o máis sostible posible. Por este motivo, a partir da vindeira semana o Goberno municipal porá en funcionamento un punto verde, un espazo creado para axudar á veciñanza a xestionar os restos vexetais que non poden ser depositados nos colectores verdes da rúa. “Seguimos camiñando para facer un Rosal máis verde, implementando paso a paso iniciativas que nos permiten ser máis respectuosos co medio ambiente a todos os niveis e fomentar e facilitar aos rosaleiros e rosaleiras que poidan facer unha correcta xestión dos seus residuos é fundamental tamén neste camiño”, salienta a alcaldesa, Ánxela Fernández Callís.

    Con este novo punto verde “queremos axudar a rosaleiros e rosaleiras a dar saída a todos eses restos de poda e herbas que temos na casa, naquelas épocas nas que non se poden facer queimas pero tamén durante todo ano, xa que a través deste punto daremos saída aos restos vexetais un xeito moito máis sostible”, explica a concelleira de Medio Ambiente, Sara Vicente.

    Situado a carón do CPI Manuel Suárez Marquier, este punto verde funcionará baixo cita previa para evitar o depósito incontrolado de materiais e será de uso exclusivo das vivendas do Rosal, xa que non poderá ser empregado por empresas de xardinería ou de limpeza forestal. Este espazo pretende ser unha alternativa a aquelas persoas que teñen restos de poda que dado o seu tamaño ou cantidade non poden ser xestionados co sistema de préstamo de biotrituradoras posto en marcha polo Concello do Rosal, ademais de supoñer “unha alternativa máis respectuosa á tradición da queima, xa que nos permite reaproveitar eses restos á vez que evitamos a emisión de gases tóxicos e de efecto invernadoiro á nosa atmosfera”.

    No punto verde poderán depositarse ramas, troncos, céspede, restos de herbas… que non poden ser entregados en bolsas plásticas. O Concello triturará os restos de poda para usalos nos composteiros individuais e comunitarios como estruturante para facer o compost, mentres que as herbas e similares deixaranse compostar de foma natural no propio lugar.

    Dende o Concello lémbrase que neste espazo estará prohibido depositar restos de plantas invasoras, restos de palmeira, de plantas enfermas, restos vexetais con terra ou pedras, de madeira tratada como mobles ou restos diferentes aos de poda e herba. As persoas interesadas poden resolver calquera dúbida chamando ao Concello.

    COLABORACIÓNS

    Nazaret López, «Pecados veniais»

    Ás veces non resulta doado establecer o punto no que se sitúa a liña feble que separa uns xéneros literarios de outros. É coma participar nunha especie de xogo no que os autores rachan as barreiras establecidas e descolocan ao lector, quizais para provocar unha lectura diferente do texto que presentan.

    Despilfarro

    Según la RAE, despilfarro significa "Gasto excesivo y superfluo" y la verdad, que no se me ocurre un término mejor para definir lo que está ocurriendo en muchos de nuestros ayuntamientos con tantas plazas a arreglar y tanto peatonolizar.

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    74 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS