17.6 C
Pontevedra
Xoves, 29 de Setembro de 2022
Máis
    HomeBaixo MiñoO RosalO Rosal pon a punto os seus centros escolares

    O Rosal pon a punto os seus centros escolares

    “Queremos que os rapaces e rapazas volvan ao colexio e desfruten dunhas instalacións melloradas”, afirma a alcaldesa, Ánxela Fernández

    O Concello do Rosal tamén se prepara para a volta ao colexio. Estes días está a realizar obras para por a punto os seus centros escolares. “Queremos que os nosos rapaces e rapazas desfruten dunhas aulas melloradas”, destaca a alcaldesa, Ánxela Fernández. A rexedora visitou esta semana cada un dos centros para coñecer de primeira man o estado dos traballos.

    Entre as melloras que se realizaron están os habituais desbroces, e o mantemento en xeral. No CPI Manuel Suárez Marquier pintáronse dúas aulas, así como a aula croma, un espazo verde que facilitará o traballo audiovisual que desenvolvan no centro. Tamén se arranxou a rede, e limpáronse as canalizacións.

    O Concello tamén acometeu varias obras de mellora nas escolas unitarias. Pintáronse as aulas da escola de Couso, así como o almacén da sede do CRA María Zambrano. Cambiáronse os calefactores eléctricos, e en Couso instaláronse novos puntos de calefacción. A escola de Novás recibiu novos estores. Ademais, en todos os centros realizáronse as revisións oportunas tanto do sistema eléctrico e dos distintos aparellos como da fontanería.

    Na Escola Infantil A Galiña Azul cambiáronse todas as luminarias por unhas led, pintáronse varios cuartos, déuselle cera aos pisos, leváronse a cabo os traballos de limpeza das ventás e repintouse a zona de aprendizaxe de circulación viaria do centro.

    A todos estes traballos hai que sumarlle ás accións de mellora da eficiencia enerxética e do confort para contribuír na conservación das escolas unitarias, e na protección do medio ambiente, que realizará o Concello. O proxecto conta cun orzamento de 200.00 euros e arrancará coa transformación da escola unitaria de Pías, que foi licitada o mes pasado. A reforma do CRA de Pías transformará o centro en termos de eficiencia enerxética, implementando medidas que axudan a reducir ao mínimo o consumo e mellorando en gran medida o confort interior.  A alcaldesa explica que para o Concello “as seis escolas unitarias do Rosal son unha prioridade”, que permiten “fomentar unha educación de proximidade e responsabilidade coa nosa contorna entre os nenos e nenas”. Ademais a rexedora tamén destaca que estas obras son un exemplo da aposta do Concello pola sostibilidade ambiental, e pola recuperación e mellora de edificacións cun gran valor patrimonial no Rosal.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS