12 C
Pontevedra
Venres, 29 de Marzo de 2024
Máis
    HomeBaixo MiñoO RosalO Rosal aproba as subvencións para as traídas de augas veciñais

    O Rosal aproba as subvencións para as traídas de augas veciñais

    As comunidades poderán recibir ata 5.000 euros para financiar melloras das súas instalacións

    O pleno do Rosal aprobou ás bases da convocatoria de subvencións ás traídas de augas veciñais, coa que se ofrecen axudas económicas para financiar ata o 80 % do orzamento presentado para melloras das súas instalacións, sempre e cando este non supere os 5.000 euros, cantidade máxima a recibir por traída.

    Poderán presentarse a estas subvencións todas as comunidades que desenvolvan a súa actividade no Rosal. O obxecto da axuda comprenderá a adquisición de materiais, ou equipamentos, e inversións para mellorar instalacións de sistemas de captación de augas (fontes, pozos…), sistemas de almacenamento e potabilización (depósitos e o seu entorno, filtración ou decantación), e sistemas de distribución (extensión ou mellora nas redes de distribución).

    O prazo para a presentación de solicitudes será de 30 días naturais, contados a partir do seguinte ao da publicación do extracto da convocatoria no BOP de Pontevedra. Esta convocatoria tamén estará publicada na páxina web do Concello. As solicitudes presentaranse no Rexistro electrónico do Concello.

    Esta subvención é unha acción máis dentro do compromiso do Concello coas traídas de augas veciñais. A concelleira de Medio Ambiente, Sara Vicente, explica que tamén se ofrecen axudas económicas para financiar as análises de potabilidade obrigatorias en fontes e pozos, así como, soporte para calquera reparación urxente a realizar.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.