9.6 C
Pontevedra
Xoves, 28 de Marzo de 2024
Máis
    HomeBaixo MiñoO RosalMorre un motorista logo de chocar a súa motocicleta cun coche no...

    Morre un motorista logo de chocar a súa motocicleta cun coche no Rosal

    Unha persoa perdeu a vida logo de que a moto que conducía colisionase cun vehículo na estrada PO-552, Baiona-A Guarda, no termo municipal do Rosal.

    Os feitos aconteceron pasadas as sete e media da tarde do sábado, no punto quilométrico 40, cando varios veciños chamaron ao 112 Galicia para dar conta dunha colisión entre un turismo e unha motocicleta na que viaxaba unha soa persoa.

    O Servizo do Centro Integrado de Atención ás Emerxencias de Galicia (CIAE) 112 Galicia pediu a colaboración dos membros do GES da Guarda, dos voluntarios de Protección Civil da localidade e dos profesionais de Urxencias Sanitarias de Galicia-061, quen, debido á gravidade das lesións, mobilizou ao helicóptero medicalizado con base en Santiago.

    Os efectivos da Garda Civil de Tráfico procederon a restrinxir e regular a circulación para garantir a seguridade dos efectivos de emerxencias sanitarias que, pese aos esforzos por salvar a vida do motorista, só puideron confirmar o seu falecemento.

    Tamén foron informados os Bombeiros do Porriño, aínda que, finalmente, non foi necesaria a súa intervención.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.