20.1 C
Pontevedra
Luns, 16 de Maio de 2022
Máis
    HomeBaixo MiñoO RosalMáis de 800 participantes tomarán a saída este domingo no «Trail Adventure...

    Máis de 800 participantes tomarán a saída este domingo no «Trail Adventure Muíños de Folón» no Rosal

    O Trail Adventure Muiños do Folón, que se disputará este domingo no Rosal, será a primeira proba da I Pontevedra Trail League, unha competición na que tamén figuran o Trail do Románico e o Trail do Tegra. A próxima fin de semana reuniranse máis de 800 persoas na terceira edición dunha proba espectacular e que creceu co paso do tempo. Os organizadores tiveron que ampliar o número de prazas e pechar as inscricións ante o elevado número de peticións.

    No acto de presentación do Trail Muiños do Folón, que tivo lugar no restaurante Casa da Pintora, reiterouse ao importancia desta modalidade deportiva, cun gran crecemento nos últimos anos e que combina o esforzo físico co contacto coa natureza, a gastronomía e a historia. Foron elementos aos que se referiu Ánxela Fernández, alcaldesa do Rosal, canso dinalaba que “é un orgullo formar parte deste proxecto nun lugar tan emblemático e cheo de lendas como os muiños do Folón. Ademais coincide co día da muller, polo que entre todas e todos imos darlle maior realce posible”.

    A rexedora municipal tamén se referiu ao impacto económico que deixarán as máis de 1.500 persoas, entre deportistas, acompañantes e organizadores, que rodean a proba. Ánxela Fernández agradeceu a achega das institucións privadas e públicas.

    Pola súa banda, o deputado de Deportes, Gorka Gómez, subliñaba que “fomentar, apoiar, divulgar, favorecer e dinamizar este tipo de actividades é ao que damos preferencia desde a Deputación de Pontevedra. O lugar é máxico”. O deputado referiuse tamén á creación por primeira vez da Pontevedra Trail League, que aglutinará tres competicións de trail: “O proxecto é moi interesante. Desde a Deputación de Pontevedra non tivemos dúbidas en apoialo. Para todos é algo apaixonante”. Engadiu que “o deporte é un investimento para o futuro e tamén en saúde”

    O Trail Adventure Muiños do Folón reunirá a máis de 800 participantes o vindeiro domingo desde as dez da mañá. Na modalidade de advance, os participantes afrontarán 21 quilómetros. Os de adventure serán de 12 quilómetros. No programa tamén se incluíu a tradicional andaina de 10 quilómetros. No perfil de inscricións figuran unha gran porcentaxe de persoas procedentes de Portugal, ademais das catro provincias galegas.

    Serafín Martínez, director técnico da proba, indicou que “sempre é complexa unha organización con tantas persoas. Pero xa temos experiencia. Un dos principais obxectivos é que todos sentan cómodos”. Reiterou que “entre todos demos un paso máis. A achega do Concello do Rosal e o apoio da Deputación de Pontevedra son claves nestes proxectos”.

    Ademais da competición, que se desenvolverá nun espazo emblemático, a organización ten previsto unha serie de alicientes especiais. Poderase visitar unha adega da zona, previa inscrición; as e os deportistas recibirán unha camiseta conmemorativa e todos e todas terán unha medalla amais de trofeos aos e ás mellores, trofeos deseñados por José Luis Rodríguez, recoñecido escultor.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS