8.9 C
Pontevedra
Venres, 29 de Marzo de 2024
Máis
    HomeBaixo MiñoO RosalEsta fin de semana poderás escoitar os ‘Ecos do Nadal’ no Rosal

    Esta fin de semana poderás escoitar os ‘Ecos do Nadal’ no Rosal

    A programación cultural continúa no Rosal esta fin de semana con música. Este domingo 11 de decembro a Igrexa parroquial de Santa Mariña será o escenario do XII Concerto Coral ‘Ecos do Nadal’, unha das actuacións máis agardadas nestas datas tan sinaladas organizada pola Coral Ecos do Folón de Fornelos en colaboración coa Asociación Músico-Cultural Ecos do Folón, o Concello, a Comunidade de Montes de Santa Mariña e a Deputación de Pontevedra.

    Dende as 18.00 horas, o público poderá desfrutar de balde dun espectáculo no que a Coral Ecos do Folón estará acompañada pola Coral Polifónica ‘Asomamos’ de Mos, formada en 2009 e que retomou este 2022 de novo a actividade tras un parón de dous anos pola situación sanitaria con novos folgos e moita ilusión, e a Coral do Centro Sociocomunitario de Marín, que con 30 anos de historia reúne a 30 voces mixtas nun grupo de amigos e amigas afeccionados á música e ao canto.

    A Coral Ecos do Folón naceu como asociación músico-cultural no ano 2012 con 17 compoñentes e foi crecendo de forma paulatina ata chegar ás actuais 30 voces mixtas. Participante en todos os circuítos culturais da Deputación de Pontevedra, a coral organiza cada ano dous agardados concertos no Rosal, ‘Ecos de Verán’ e ‘Ecos de Nadal’, que enche de música co seu variado repertorio, no que se inclúe temas tradicionais galegos, habaneiras, valses, boleros, cantos relixiosos, panxoliñas… moitos deles arranxados, compostos ou adaptados polo seu director, Jorge Fernández.

    A alcaldesa, Ánxela Fernández Callís, convida a toda a veciñanza a desfrutar un ano máis con este concerto de Nadal no que a coral rosaleira deleitará ao público con pezas como ‘Salió de Jamaica’, a panxoliña andaluza ‘Fuentecilla que corres’, o ‘Ave María’, a panxoliña chilena ‘Señora Doña María’ ou a peza galega ‘O meniño mariñeiro’. O espectáculo rematará cun marabilloso final en grupo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.