8.3 C
Pontevedra
Xoves, 28 de Marzo de 2024
Máis
    HomeBaixo MiñoO RosalAreeiro aconsella iniciar o tratamento contra o mildio ante a aparición das...

    Areeiro aconsella iniciar o tratamento contra o mildio ante a aparición das primeiras manchas no Rosal

    Nestes momentos, debido ao escaso desenvolvemento da vexetación, o tratamento debe ser aplicado con pistola para evitar perdas do caldo fitosanitario e reducir o volume aplicado

    Na revisión semanal que o persoal técnico da Estación Fitopatolóxica Areeiro realiza ás viñas da provincia téñense detectado xa as primeiras manchas de mildio nas comarcas do Rosal e do Salnés. Por estes motivos o centro dependente da Deputación de Pontevedra acaba de lanzar un novo aviso fitosanitario no que aconsella iniciar xa o tratamento contra a enfermidade ante a aparición das manchas.

    Nestes momentos, debido ao escaso desenvolvemento da vexetación nas viñas, a Estación Fitopatolóxica Areeiro recomenda aplicar o tratamento contra o mildio con pistola, para evitar perdas do caldo fitosanitario e reducir o volume aplicado. Tamén recorda que os produtos que se soen empregar ao inicio da campaña se utilicen nos momentos de claros, entre dous períodos de precipitación e sempre que dea tempo a secar a viña e que teña pasado polo menos unha hora entre a intervención do produto e as novas choivas.

    As primeiras manchas de mildio deste ano na provincia, detectadas en dúas parcelas do Rosal e tamén na comarca do Salnés, probablemente apareceron a consecuencia de temperaturas nocturnas máis elevadas das previstas, en especial a das noites do 24 e 25 de abril, con mínimas nos 11ºC. Este feito, unido á elevada humidade ambiental, xera, segundo indica a Estación Fitopatolóxica Areeiro no seu aviso, as condicións axeitadas para a infección.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.