4.5 C
Pontevedra
Martes, 5 de Decembro de 2023
Máis
    HomeBaixo MiñoA GuardaO teatro abre o mes de maio na Guarda

    O teatro abre o mes de maio na Guarda

    A Concellería de Cultura do Concello da Guarda programa para a primeira fin de semana do mes de maio dúas obras de teatro, unha para público infantil e familiar e outra para todas as idades. «La compañera de piso» da compañía Contraproducións e «Bon Appétit» son as dúas suxestivas propostas para estes primeiros días de maio.

    venres día 3 de maio o Centro Cultural da Guarda será o escenario para a representación teatral de «La Compañera de piso», unha obra de teatro da compañía Contraproducións.

    A obra «La compañera de piso», de Jen Silverman, xa ten sido representada con éxito por varias compañías nos Estados Unidos destacada pola crítica americana coma unha mistura de “Thelma & Louise”, “A estraña parella” e “Breaking Bad”, Contraproducións presenta la primera adaptación fora dos escenarios norteamericanos en co-produción co Centro Dramático Galego. A entrada será de balde ata completar o aforo previa retirada de tickets dende o 30 de abril no Centro Cultural da Guarda.

    sábado día 4 de maio ás 17:30 h e tamén no Centro Cultural, a protagonista será a obra de teatro para público infantil e familiar «Bon Appétit». Explosións, tortazos, persecucións, sustos, malos entendidos,….ingredientes para unha comedia total en clave de clown.

    Antuá de la Sardiní, Philip de Toucignom e Fransuá de la Berenxem son tres Chefs que nos van amosar os segredos da cociña galega seguindo o prestixioso libro de receitas de Álvaro Cunqueiro, A Cociña Galega, “A cociña é arte, a expresión cultural que un pobo desenvolve ao longo do tempo.” Unha comedia onde a cociña tradicional galega é o condimento perfecto para escachar de risa, na que o sinxelo pode ser tremendamente difícil e o divertido pode ser moi perigoso.

    LIBROS

    Amador Castro Moure, «Pronto hei de volver»

    A emigración, como non podía ser doutra maneira, é un deses temas aos que a literatura galega volve unha e outra vez. Dende distintas perspectivas e con diferentes enfoques e intencións, forma parte troncal do noso sistema literario dende o momento en que comezou a tomar forma.

    Xosé M. Eyré, «Ou as dúas estaredes mortas»

    Moito temos falado neste mesmo espazo dos cada vez máis difusos lindes entre xéneros literarios; de como novela e relato –tamén a poesía ou o teatro– semellan lidar pola posesión de espazos que tradicionalmente lles eran alleos e que pretenden converter en propios, alimentando así unha fusión que, no fondo, non deixa de ser a procura de novas vías de expresión aínda non transitadas.

    Raquel Castro, «Sobremesas sobre versos»

    Dende fai xa varios anos, Raquel Castro é unha das habituais na literatura infantil galega, pero a maioría dos seus traballos publicados enfocábanse cara ao mundo do teatro para nenos, onde deixou pezas de excelente facturación.