8.3 C
Pontevedra
Xoves, 28 de Marzo de 2024
Máis
    HomeBaixo MiñoA GuardaO inigualable marco do Castelo de Santa Cruz da Guarda acolle este...

    O inigualable marco do Castelo de Santa Cruz da Guarda acolle este domingo as actividades do Día Internacional do Ioga

    Despois do aprazamento por motivos meteorolóxicos da pasada fin de semana finalmente celebraremos o Día Internacional do Ioga este domingo 27 de xuño no Castelo de Santa Cruz ás 10.30 h da mañá. Esta actividade está organizada polo Centro Awen Yoga en colaboración co Concello da Guarda e xa vai pola súa terceira edición neste fermoso enclave natural. Con este encontro preténdese celebrar este día e que as persoas de diferentes idades e condicións físicas poidan coñecer o mundo do Ioga e os seus beneficios.

    En sánscrito Ioga significa unión entre corpo, mente e espírito. O Día Internacional do Ioga recoñece tanto a orixe do ioga como a súa práctica. A iniciativa de celebrar este día a nivel internacional foi presentada ante as Nacións Unidas polo Primeiro Ministro da India, Narendra Modi, en setembro de 2014 con estas palabras:

    «El yoga es una inestimable contribución de la antigua tradición de la India. Encarna la unidad de la mente y el cuerpo, el pensamiento y la acción, la moderación y la satisfacción plena, la armonía entre el hombre y la naturaleza, y un enfoque holístico de la salud y el bienestar».

    Trala súa proposta, a ONU aprobou a resolución, cuxa iniciativa foi apoiada por 175 países, o máis elevado número de países solidarios na historia da organización.

    Esta actividade vai a estar dirixida polos profesionais do Centro Awen: Elvira, Pablo, Iria e Carmiña, profesora de ioga para nenas/os e adolescentes.

    Se podes respirar, podes practicar Ioga. O Ioga é para todas e todos sen importar a idade e o estado físico. Anímate a coñecelo aínda que nunca o practicases!

    Prazas limitadas. Actividade gratuíta.

    Recoméndase aos participantes traer una esterilla ou toalla, unha manta e roupa cómoda.

    Para máis información, a interesadas e interesados poden dirixirse aos teléfonos 986 611 871 (Awen Yoga) ou 986 610 000 (Casa do Concello ext.7) ou tamén ao enderezo de correo electrónico centroawenyoga@gmail.com

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.