14.5 C
Pontevedra
Martes, 19 de Marzo de 2024
Máis
    HomeBaixo MiñoA GuardaO Club Remo «Robaleira» quenta motores para a tempada 2020

    O Club Remo «Robaleira» quenta motores para a tempada 2020

    O Club remo Robaleira vén de celebrar o pasado sábado a presentación da Tempada 2020. Xunto a deportistas, familiares, amigos e patrocinadores/colaboradores, o Club fixo un pequeno repaso das categorías coas que se conta para esta vindeira tempada.

    O club guardés competirá neste 2020 en infantís, cadetes, xuvenís e senior, das que só se completan dúas tripulacións para banco fixo. Esta circunstancia fai que o Robaleira márquese como obxectivo, a curto prazo, a recuperación de antigos remeiros e remeiras e a captación novos deportistas.

    Por outra banda, no remoergómetro, contan con dous puntais; o incansable Damián Alonso, que vén de colleitar éxitos no Campionato Europeo e ten as porta o Mundial nas próximas semanas; e o equipo de remo de San Xerome, cun palmarés envidiable que terá que esperar uns meses para competir polos cambios de datas nos campionatos.

    Na presentación fixose tamén especial fincapé nas melloras e cambios que se están dando no club e que seguirán, “aínda que pouco a pouco”, xa que precisan “de axuda económica” para poder realizalos.

    Os que xa se acometeron con axuda de subvencións e do Concello, foron a compra dunha nova furgoneta e dous ergómetros novos, melloras nas instalacións como a nova pintura do ximnasio… e a posta a punto das palamentas de fibra que levarán o nome de Obelisco Cantería, Diser, Langosteiros e a xa clásica Mecalia.

    A novidade máis visible será o cambio na equipación. Chándal e plátano (roupa de competición) que levarán o nome de ORPAGU, Pesquera Alba e Pesquera Rumbo a tódalas competicións posibles.

    Dende Robaleira agradecen “a todos eles e a os socios a súa contribución ao remo guardés. Comeza a tempada!!”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.