A Guarda acollerá, os días 3 e 4 de febreiro, un curso de ‘Elaboración artesanal de ungüentos naturais’ que se desenvolverá entre as 16:30 horas e as 20:30 horas. As xornadas son de balde e a inscrición farase a través da web www.eurural.org, dirixíndose ao apartado denominado Escola.
Este curso inclúese na terceira edición do programa ‘Coas mans na masa’ da Asociación de Desenvolvemento Galicia Suroeste Eurural, e que reafirma a aposta pola formación como ferramenta para mellorar a capacitación dos recursos humanos do territorio. Búscase desenvolver un itinerario formativo de cara a engadir valor no mercado aos produtos do sector primario a través da transformación da abundante materia prima da contorna en produtos de gran calidade e da súa conservación para a posterior comercialización.
