O vindeiro martes día 9 de maio, ás 19:00 h, a Casa dos Alonso acollerá unha charla-coloquio sobre a enfermidade da fibromialxia, na que se contará coa participación do Dr. Rafael B. Melero González.
Nesta charla, aberta a toda a cidadanía, tratarase sobre que é a enfermidade da fibromialxia e se está vencellada coas enfermidades de tipo reumatolóxicas.
O Dr. Rafael B. Melero González é un médico reumatólogo graduado na Universidade de Santiago de Compostela que ten unha dilatada experiencia no campo da reumatoloxía, tendo traballado no Complexo Hospitalario de Santiago de Compostela, no Complexo Hospitalario Universitario de Vigo, no Complexo Hospitalario Universitario de Santiago de Compostela ou no Hospital da Costa de Lugo.
Ao longo desta charla-coloquio, os asistentes terán a oportunidade de despexar as súas dúbidas sobre esta enfermidade, que afecta a moitos veciños e veciñas da nosa vila, da man dun experto na materia que tentará dar luz ás súas inquedanzas a través dos seus coñecementos sobre a fibromialxia e a reumatoloxía.
