Na mañá do luns día 17 de abril de 2023 tivo lugar, na Casa dos Alonso, a presentación do concerto “Si cantan es ti que cantas…”, que ofrecerá Cantares do Brueiro o vindeiro domingo día 23 de abril ás 18:00h na Igrexa Parroquial da Guarda.
No acto de presentación estiveron presentes o alcalde da Guarda, Antonio Lomba, a Concelleira de Cultura, Montserrat Magallanes e Tino Baz, Director de Cantares do Bueiro, quen comentou que esta idea xa nacera no ano 2019, pero a pandemia motivou o seu aprazamento, polo que desta, vai a ser un concerto moi agardado e especial, tanto polos compoñentes do grupo coma polos asistentes, que poderán gozar dun concerto elaborado con moito agarimo e paixón.
Neste concerto Cantares do Bueiro se centra na música tradicional popular galega, misturada con pezas propias e clásicas galegas de autores e autoras moi coñecidas por todos e todas, seguindo a liña marcada dende os seus inicios alá polo ano 2014.
A idea nace para a dignificación da canción popular galega e o canto coral, nunha vila coma A Guarda, onde sempre houbo moita tradición de canto, pero desta volta cun coidado moi especial, aportado polas preto de 30 voces que compoñen o grupo.
Os asistentes gozarán dun repertorio no haberá pezas inéditas, clásicas… co trato especial que sempre lle aporta Cantares do Brueiro á música galega.
Para Montserrat Magallanes esta será unha nova oportunidade de voltar a ver en directo a estre gran grupo de músicos que compoñen Cantares do Brueiro, nun concerto que sen dúbida será moi especial para todos e todas.
Antonio Lomba, valorou o traballo realizado por Tino Baz ao longo dos anos para manter a tradición da música popular galega viva na nosa vila, convidando a toda a cidadanía a que asistan este domingo ao concerto na Igrexa Parroquial da Guarda.
