7.6 C
Pontevedra
Venres, 29 de Marzo de 2024
Máis
    HomeBaixo MiñoA GuardaA Guarda organiza esta semana tres charlas informativas sobre a factura da...

    A Guarda organiza esta semana tres charlas informativas sobre a factura da luz

    O Concello da Guarda, a través da Concellería de Medio Ambiente, organiza esta semana tres charlas informativas sobre a factura da luz e consellos para o aforro enerxético en fogares e empresas do municipio.

    Contarase nestas charlas cos poñentes David Portela Andura, Enxeñeiro Industrial en Electricidade e Santiago González Veiga, Avogado Especialista no sector eléctrico, que serán os encargados de trasladar aos asistentes consellos sobre aforro enerxético, enerxías renovables e informacións de interese sobre a comprensión das facturas da luz, franxas horarias de consumo, prezo da potencia contratada, reclamacións, entre outras.

    A primeira charla terá lugar o mércores 20 de abril ás 19:00h no Centro Social de Salcidos, a segunda terá lugar o xoves 21 de abril ás 19:00h na Casa da Comunidade de Montes de Camposancos e a última o mesmo xoves ás 20:30h no Local da Asociación de Veciños O Percamino da Gándara .

    En palabras de Antonio Lomba, Alcalde da Guarda, “sabemos que o prezo da enerxía, en concreto da electricidade, está afectando moito á economía das familias e queremos que os veciños e veciñas coñezan mellor o funcionamento da factura eléctrica e as posibilidades de abaratar o recibo da luz.” O Concello está a poñer en marcha estas charlas informativas encamiñadas a minimizar o impacto do custo da enerxía na economía, tanto municipal doma doméstica, así, en breves, lanzará o “Plan Rehabita” de rehabilitación de vivendas particulares e as comunidades enerxéticas, que teñen coma obxectivo o aproveitamento das enerxías renovables no ámbito doméstico ou no ámbito particular.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.