18.7 C
Pontevedra
Venres, 22 de Outubro de 2021
Máis
    HomeComarcasAlén da RaiaO proxecto Manufactur 4.0, no que participa a Xunta, permitiu incentivar a...

    O proxecto Manufactur 4.0, no que participa a Xunta, permitiu incentivar a implantación das tecnoloxías 4.0 no sector naval e metalúrxico da eurorrexión Galicia-Norte de Portugal

    A Axencia Galega de Innovación (Gain) organizou unha xornada en liña para dar a coñecer os resultados do proxecto

    A directora da Axencia Galega de Innovación (Gain), Patricia Argerey, participou na xornada en liña de peche do proxecto europeo Manufactur 4.0, que lidera a Vicepresidencia segunda e Consellería de Economía, Empresa e Innovación a través do CIS Tecnoloxía e Deseño e que está financiado a través de fondos Feder do programa Interreg VA España-Portugal 2014-2020 (POCTEP). O obxectivo deste proxecto é transferir de xeito efectivo as novas tecnoloxías de fabricación avanzada e baixo custo á industria do sector naval e metalmecánico.

    A directora de Gain explicou que esta iniciativa acadou un efecto incentivador da implantación das tecnoloxías 4.0 na industria naval e metalmecánica da Eurorrexión
    Galicia-Norte de Portugal grazas á intensificación das relacións entre os centros tecnolóxicos e as empresas. Concretamente, desenvolvéronse sete proxectos piloto demostradores en dez empresas da Eurorrexión para validar a transferibilidade dos resultados do proxecto cara a industria.

    Argerey confirmou que ao longo dos tres anos de execución do proxecto se puideron evidenciar os beneficios da adopción da Fábrica 4.0 no cambio, crecemento e modernización do sector transfronteirizo. Por este motivo, a directora de Gain anunciou que a Xunta de Galicia se compromete a seguir impulsando medidas que aumenten a competitividade do sector, a través do aumento da súa intensidade tecnolóxica, diversificación, especialización e innovación, a través de instrumentos como o programa de Fábrica Intelixente ou os Hubs de Innovación Dixital, que contarán cun orzamento para 2021 de 45 millóns de euros.  

    Presentación de resultados

    Ao longo da xornada presentáronse os resultados do proxecto europeo e o vicerreitor de   Política Científica, Investigación e Transferencia da Universidade da Coruña, Salvador  Naya Fernández, expuxo a experiencia práctica da Unidade Mixta de Investigación promovida por  Navantia e a  Universidade da Coruña, co apoio da Xunta de Galicia, en torno ao Estaleiro do Futuro.

    En canto á presentación dos resultados acadados polas entidades socias, explicouse o deseño, validación e tecnoloxías desenvolvidas no proxecto para impulsar ao sector naval e metalúrxico, os perfís profesionais necesarios e contidos formativos elaborados sobre as tecnoloxías impulsadas no marco do proxecto, así como as misións tecnolóxicas directas e inversas para compartir o coñecemento e coñecer outras boas prácticas fóra da Eurorrexión.

    Este evento finalizou cunha mesa de debate na que participaron representantes de  Aclunaga e Aimen, entre outros, xunto a Salvador Naya Fernández  para reflexionar sobre o futuro próximo do sector naval galego. No proxecto participaron seis socios de Galicia e Norte de Portugal: Centro de Apoio Tecnológico à Indústria Metalomecânica (CATIM), Instituto de Engenharia de Sistemas e Computadores, Tecnologia e Ciência (INESC TEC) e a Agência Nacional de Inovação (ANI) -procedentes de Portugal- e a Axencia Galega de Innovación (Gain), a Asociación de Investigación Metalúrgica do Noroeste (Aimen) e a Asociación Clúster Naval Galego (Aclunaga) –pola parte galega-.

    COLABORACIÓNS

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS