11.8 C
Pontevedra
Sábado, 8 de Maio de 2021
Máis
    HomeComarcasA ParadantaSete concellos do Baixo Miño, O Condado e A Paradanta poden recibir...

    Sete concellos do Baixo Miño, O Condado e A Paradanta poden recibir axudas para abastecemento, saneamento e depuración

    Da subvención poden beneficiarse municipios coma os de Arbo, Covelo, Crecente, Mondariz, Mondariz-Balneario, As Neves e Oia

    A Xunta de Galicia, a través de Augas de Galicia, ten aberta unha orde de axudas, dotada con 4 millóns de euros, para a execución de obras de abastecemento de auga, saneamento e depuración que está destinada a concellos de menos de 5.000 habitantes, polo que dela poderán beneficiarse sete municipios das bisbarras de Baixo Miño, O Condado e A Paradanta.

    O delegado territorial da Xunta en Pontevedra, Luis López, informou desta liña de subvencións, financiada no marco do Eixo REACT-UE do Programa Operativo FEDER Galicia 2014-2020, nunha visita realizada ao concello de Pontecesures co seu alcalde, Manuel Vidal, que lle transmitiu o seu interese pola mesma co obxectivo de poder modernizar estas prestacións para a cidadanía.

    “Estamos comprometidos coa mellora dos servizos públicos, con especial interese nos municipios máis pequenos, que en ocasións teñen máis dificultades de financiamento, e por iso abrimos esta liña, da que poderán beneficiarse ata sete municipios do sur da provincia e que pode estender ou ampliar as redes dunha poboación potencial de máis de 19.000 veciños destas bisbarras”, detallou Luis López. Lembrou que o abastecemento e o saneamento “son competencias de carácter municipal, pero Augas de Galicia ten, entre as súas funcións, a adopción de medidas de apoio nesta materia para axudar aos concellos na mellor prestación destes servizos municipais”.

    Estas subvencións, ás que se opta en réxime de concorrencia competitiva presentando a correspondente solicitude ata o vindeiro 25 de abril, poden beneficiar aos municipios de Arbo, Covelo, Crecente, Mondariz, Mondariz-Balneario, As Neves e Oia.

    Os concellos interesados poderán presentar senllas solicitudes, unha referida a actuacións en sistemas de abastecemento orientada ao seu funcionamento óptimo e outra para saneamento ou depuración destinada á modernización e aumento da eficacia de instalacións existentes ou a construción de novas infraestruturas, polo que, chegado o caso, poderán recibir ata 100.000 euros de axudas.

    A orde de axudas establece, como parámetros para a baremación das solicitudes, a poboación do municipio, primando aqueles con menos habitantes; a corresponsabilidade financeira, favorecendo aos que realicen algunha achega económica á execución da actuación; e o estado da tramitación do proxecto. No caso dos beneficiarios, deberán presentar a correspondente xustificación ata o 30 de novembro deste ano. “Creo que se trata dunha gran oportunidade para os concellos menos poboados, xa que se subvencionarán alomenos 80 actuacións de abastecemento e saneamento en toda Galicia e creo que pode ser unha vía moi aproveitable polos 23 municipios da provincia de menos de 5.000 habitantes”, concluíu o delegado territorial.

    COLABORACIÓNS

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Constance Demby, pionera de la ‘new age’

    A muchos no les sonará éste nombre, a otros muchos seguidores de las nuevas músicas, es simplemente una referencia, hablar de Constance Mary Demby, más conocida como Constance Demby, es hablar de uno de los nombres más representativos de la llamada música New Age,

    ‘Spain is different’

    Da la sensación de que en España vamos por libre. Que no estamos viviendo la mayor crisis sanitaria de éste siglo y que, probablemente, acabe causando la mayor crisis económica hasta el momento porque, si seguimos así, la crisis de las subprime va a ser una broma en comparación con la crisis del Covid.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    0 POSTS0 COMMENTS
    Manrique Fernández
    37 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS