18.5 C
Pontevedra
Xoves, 18 de Xullo de 2024
Máis
    HomeA ParadantaCrecenteJulio César García-Luengo optará á reelección á alcaldía de Crecente

    Julio César García-Luengo optará á reelección á alcaldía de Crecente

    Julio César García-Luengo optará á reelección á alcaldía de Crecente nas municipais de maio. Así o anunciou o candidato, nun encontro con varios representantes da xunta local, ao que asistiu o presidente provincial do PP de Pontevedra, Luis López.

    García-Luengo, que é alcalde desde 2007, e desde entón suma catro maiorías absolutas, agradece todo o apoio e a confianza dos seus compañeiros e dos veciños de Crecente, e amósase “ilusionado, motivado e con proxecto para seguir traballando por e para os meus veciños”. Nesta liña, comprometeuse a “continuar a pé de rúa e totalmente pegado ás necesidades e prioridades da cidadanía, para seguir acertando con políticas e servizos que melloren a súa calidade de vida. Ofrezo traballo, proximidade e o meu compromiso para seguir facendo de Crecente un gran concello para vivir”.

    Pola súa banda, o presidente provincial, Luis López, puxo en valor o respaldo que Julio, “un alcalde carismático, do que nos sentimos moi orgullosos no PP”, recibe sistematicamente nas eleccións municipais, “que amosan o apoio indiscutible ao alcalde, ao seu equipo e ao seu proxecto para este concello”. Así, destacou que o único obxectivo do alcalde popular é “traballar polo progreso de Crecente”, e puxo como exemplos, tanto a calidade da atención e dos servizos municipais, como que é capaz de atraer grandes investimentos que xeran renta, riqueza e postos de traballo.

    Con respecto ás eleccións de maio, López dixo que “a tarefa máis importante, a mellor campaña posible, xa está feita. É a que fixeron todos os alcaldes e voceiros da provincia durante este mandato. Unha labor en primeira persoa como a que está facendo Julio, no trato diario cos veciños, escoitándoos e atendendo as súas demandas”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.