8.7 C
Pontevedra
Xoves, 28 de Marzo de 2024
Máis
    HomeA ParadantaCoveloO recoñecido violonchelista Guillermo Pastrana actuará mañá en Covelo

    O recoñecido violonchelista Guillermo Pastrana actuará mañá en Covelo

    Guillermo Pastrana é considerado como un dos artistas españois máis influíntes da actualidade

    O violonchelista Guillermo Pastrana ofrecerá mañá un concerto dentro do Ciclo de Música de Barcia de Mera. Guillermo Pastrana é considerado como un dos artistas españois máis influíntes da actualidade.

    Posuidor dun son belo e poderoso Pastrana desprega orixinalidade nas súas interpretacións sen abandonar a esencia e pureza da música, converténdose nun intérprete versátil e auténtico que chega ao público dunha maneira sincera e directa. Por todo isto, recibiu diferentes premios e recoñecementos tales como o Premio Intercentros Melómano, Primeiro Palau da Música de Cataluña, Khachaturian International Cello Competition de Armenia e o Premio Nacional da Música ‘O Ollo Crítico‘ outorgado por RTVE.

    Con motivo do seu decimoquinto aniversario o Ciclo de Música de Barcia de Mera ofrecerá novidosos concertos e estreas a nivel nacional. O pasado 29 de abril tivo lugar o concerto inaugural cos madrileños Trío Domaní que interpretaron un programa clásico con pezas de Mozart e Brahms.

    O programa atraerá, un ano máis, a centos de apaixoados da música clásica ao Concello de Covelo. Este sábado posibilitará que gocemos con Johann Sebastian Bach da man do violoncellista Guillermo Pastrana.

    Ao longo deste meses, non faltarán sorpresas e novidades como o concerto espectáculo do 3 de xuño cun dúo de piano e chelo acompañado dunha interpretación poética, “La música en otros cuerpos”.

    Estrea

    A famosa actríz Vicky Peña elixíu o Ciclo de Música de Barcia de Mera para estrear “Desarraigo”. O 15 de xullo a igrexa de San Martiño de Barcia de Mera convertirase no escenario dunha obra de denuncia social na que tomaremos consciencia da situación dos refuxados e dos exiliados. A actríz catalá, preocupada “polo mundo que deixamos” elixe a nosa vila para estrear unha obra cargada de denuncia e de sensibilidade xunto a Orestes Gás.

    Agosto acollerá dous concertos, o de Locus Músicus que traerá sons medievais galaico portugueses e o da Orquestra Sinfónica de Galicia o día 26. A programación desta decimoquinta edición péchase o 16 de setembro con Vox Stellae, que leva acompañando ao Ciclo de Música de Barcia de Mera dende os seus comezos e que este ano cumpren vinte anos dende a súa fundación “e queremos celebralo con eles”, explica Nieves García Sotos que xunto ao Pai Rafael decidiron facer do conxunto abacial de Barcia de Mera o epicentro das persoas amantes da música clásica posibilitando escoitar a voces e músicos de primeiro nivel nesta fermosa contorna.

    Guillermo Pastrana

    Discípulo de Ivan Monighetti e Gustav Rivinius, Guillermo Pastrana foi influenciado por outros grandes mestres e intérpretes como Thomas Demenga, Wolfgang Boettcher, Maria Kliegel, Raimund Korup, Rafael Rosenfeld, Vladimir Ashkenazy, ou Eduard Brunner entre outros.

    Cunha visión universal, Pastrana profunda tanto no campo da interpretación histórica como no campo da música de nova creación. Colaborou con compositores da talla de Tomás Marco, David do Porto, Jesús Navarro, Josep Marí Guix Aguilar, María Eugenia Luc, que lle dedicaron moitas das súas obras e colaborou con ensembles como Grupo Enigma ou Ensemble Kuraia (País Vasco). Ademais contribúe á recuperación do patrimonio histórico musical español, exemplo diso é o seu último CD onde realizou a primeira gravación e recuperación da sonata para violoncello de Joan Manén, compositor e violinista español de comezos do século XX.

    Guillermo Pastrana é solicitado como profesor, impartindo masterclasses de violonchelo e música de cámara, en diferentes países. Na actualidade é profesor nos ‘Musical Arts Madrid’ e desde 2017 é docente e profesor asistente na Hochschule für Musik FHNW, Musik Akademie Basel en Suíza.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.