16 C
Pontevedra
Domingo, 14 de Xullo de 2024
Máis
    HomeA ParadantaCoveloO GDR Condado Paradanta afonda na transición enerxética mañá, en Covelo

    O GDR Condado Paradanta afonda na transición enerxética mañá, en Covelo

    Será mañá venres 28 de abril ás 19:30 horas no auditorio municipal de Covelo

    O Concello de Covelo acolle mañá venres día 28 unha das xornadas do ciclo “GDR Condado-Paradanta: A transición enerxética no Condado Paradanta”, así o traslada o alcalde de Covelo e presidente deste GDR, Pablo Castilllo.

    O auditorio municipal abrirá as súas portas para recibir aos expertos Manolo Docampo, Doutor en Socioloxía e profesor da Universidade de Santiago de Compostela; Xavier Simón, Doutor en Economía, profesor da Universidade de Vigo e director do Observatorio Eólico de Galicia; Raquel Novoa, presidenta da comunidade enerxética de Liñares en As Neves e Bruno Dutto, técnico da comunidade enerxética de Tameiga, en Mos.

    A partir das 19:30 e moderado polo xerente do GDR Condado Paradanta, Paco González, abrirase un coloquio no que as e os expertos explicarán que é unha transición enerxética e como debería ser.

    Esta xornada forma parte do ciclo que o GDR comarcal está realizando ao longo dos concellos dentro da súa estratexia “Pensa, Actúa e Constrúe Territorio” co obxectivo de ofrecer información á veciñanza para un mellor aproveitamento dos recursos locais a través de accións sostibles tanto medioambientalmente como económica e socialmente.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.