8.3 C
Pontevedra
Xoves, 28 de Marzo de 2024
Máis
    HomeA ParadantaCoveloO centro de saúde de Covelo ofrece unha charla gratuíta e aberta...

    O centro de saúde de Covelo ofrece unha charla gratuíta e aberta a toda a cidadanía sobre a saúde da muller

    Será o luns día 27 ás 16 horas no auditorio municipal

    O Centro de Saúde de Covelo aposta pola formación e concienciación como método para atallar no proceso de cura de enfermidades e como ferramenta para a detección e prevención. Comprometido coa saúde da veciñanza de Covelo, este luns día 27 de marzo ofrecerán unha charla sobre a saúde da muller ao longo dos anos.

    A matrona do centro de saúde de Ponteareas, Marta Valcárcel, e o enfermeiro do centro de saúde local, Daniel Domínguez, farán especial fincapé na participación nos cribados para a detección precoz de enfermidades e ensinarán ás persoas participantes a interpretar os signos e síntomas que se poidan manifestar.

    A sesión está aberta a toda a cidadanía dos concellos veciños que desexen informarse e mellorar o seu día a día. Dende o centro de saúde de Covelo adiantan que seguirán ofrecendo formación e información ao longo de todo o ano procurando sempre a implicación da cidadanía no coñecemento do seu corpo e no fomento de bos hábitos de vida.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.